Эрдэнэт үйлдвэрийн уурхайчдынхаа найдвартай ар тал болон ажилладаг нийгмийн цехийн бүсгүйчүүд өнөөдөр манлайллын мэдлэгээ зузааллаа. Үйлдвэрийн газрын Эмэгтэйчүүдийн холбооноос санаачлан хэрэгжүүлж буй эмэгтэйчүүдийн манлайллын өдөрлөгийг энэ удаа Аж ахуй, үйлчилгээний цех, Оёдлын цехийн бүсгүйчүүд төлөвлөн зохион байгуулав. Мэдлэг түгээх, нийгмийн цехийн эмэгтэйчүүдийн санаа бодлыг сонсох зорилготой энэхүү уулзалт өдөрлөгт 70 гаруй эмэгтэй хамрагдаж, манлайллын мэдлэг, ур чадварт суралцлаа.
“Эрдэнэт үйлдвэр” ТӨҮГ-ын Эмэгтэйчүүдийн Холбооны Тэргүүн, доктор Х.Оюунтунгалаг өдөрлөгийг нээж хэлсэн үгэндээ, уурхайчин эмэгтэйчүүдээ бүх талаар хөгжүүлэх, нийгэмд эзлэх байр суурийг нь бэхжүүлэх, нэр хүндийг нь өсгөх, гэр бүлийн тогтвортой байдлыг хангахад бодлого, үйл ажиллагаагаа чиглүүлж байгааг онцолсон. Мөн тэрээр Эрдэс баялгийн эмэгтэйчүүдийн Үндэсний IV чуулганд хэлэлцсэн асуудал, шийдэл, Эрдэнэт үйлдвэрийн онцлог бахархлын талаар мэдээлэл хийв. Үүнд нийгмийн цехүүдийн үйл ажиллагаа, үүрэг, оролцоо голлох байр суурийг эзэлж байгааг цохон тэмдэглээд, Эрдэнэт үйлдвэрийн нийгмийн хариуцлагын нүүр царай, уурхайчдын сэтгэл ханамжийн баталгаа болж байдагт талархал илэрхийлж, ажлын амжилт хүслээ.
Мэдлэгээ хуваалцах ээлжит сургалт Эрдэнэт үйлдвэрийн ХАБЭА-н сургалтын мэргэжилтэн, доктор П.Мөнхтуяа “Үлгэр жишээ манлайллын дадал” сэдвээр, Цахилгаан цехийн инженер М.Мөнхчимэг Австралийн Засгийн газрын тэтгэлэгт хөтөлбөрт хамрагдах боломжийн талаар туршлагаа хуваалцсанаар үргэлжилж, Эмэгтэйчүүдийн холбоо ирээдүйд хийх ажлын төлөвлөгөөндөө нийгмийн цехийн бүсгүйчүүдээс санал авсанаар өндөрлөв.
Нар минутад мандаж минутад жаргана.
Үс засуулвал: 
Суудал: 
