Хамтын ажиллагаа,нийгмийн харилцааны бодлогын газрын дарга Ц.Бат-Энхийн гаргасан удирдамжийн дагуу үйлдвэрийн бүтцийн нэгжүүд ажлын байрныхаа гадна орчныг өнөөдөр цэвэрлэлээ. Ажиллаж амьдарч буй орчиндоо ая тухтай, цэвэр цэмцгэр, эмх цэгцтэй орчин бүрдүүлэх,ажилтнуудын хөдөлмөрийн бүтээмжийг дээшлүүлэх зорилгоор бүтцийн нэгжүүд өөрсдийн харьяа байрныхаа гадна орчинг цэвэрлэх энэхүү ажлыг Нийгмийн харилцааны хэлтэс, Аж ахуй үйлчилгээний цехтэй хамтран зохион байгуулав.
Энэ талаар ААҮЦ-ийн мастер Д.Амаржаргалаас тодруулахад: “Өнөөдрийн бүх нийтийг хамарсан субботникийн ажилд үйлдвэрийн захиргааны 1,2,3-р байрны нийт 367 хүн оролцлоо. Энэ хүмүүс нийтдээ 9,9 га талбайд их цэвэрлэгээ хийгээд байна. Түүнчлэн зам талбайг усаар шүршиж угаах,мод бутанд цэнэг усалгаа хийх, явган замыг цэвэрлэх, модны унасан мөчрийг хамах, өнжмөл өвсийг шуудайлж ачих, цэцгийн мандлуудын шороог суллаж хаврын тариалалтад бэлтгэх, нэг давхрын цонхнуудыг угааж цэвэрлэлээ” гэв.
Бүтцийн нэгжүүд ажлын гадна орчноо цэвэрлэлээ

Б.Баттөгс
Зурагчин
Энэ мэдээ танд ямар санагдав?

0

0

0

0

0