Ж.ЖАВХЛАНБАТ: Байгаль орчныг хамгаалах, нөхөн сэргээх чиглэлд олон талт үйл ажиллагаа явуулж байна

Эрдэнэт үйлдвэр” ТӨҮГ байгаль орчныг хамгаалах чиглэлээр хэрхэн ажиллаж буй талаар Байгаль орчин, ногоон хөгжлийн хэлтсийн дарга Ж. Жавхланбатаас тодрууллаа. 
-Саяхан намрын мод тарилт боллоо. “Тэрбум мод” үндэсний хөдөлгөөний хүрээнд хэдэн мод тариад байгаа вэ?
-Эрдэнэт үйлдвэр байгаль орчныг хамгаалах, нөхөн сэргээх чиглэлээр олон талт үйл ажиллагаа явуулж байна. Манай хэлтэс, Ногоон хөгжлийн төслийн нэгжтэй хамтран 10-р сарын 7-9-ний өдрүүдэд намрын мод тарих ажлыг зохион байгуулж, Хангал голын голдирол дагуу, Баян-Өндөр уулын Хүрэнбулагийн аманд 7500 мод тарьсан. Энэ оны хавар, намрын мод тарих ажлын хүрээнд нийт 1,2 сая мод тарьж ургуулсан. Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн хэрэгжсэнээс хойш Эрдэнэт үйлдвэр нийт 3,3 сая мод тарьж, арчилгаа усалгааг тогтмол хийж байна.
-Манай үйлдвэр бичил уурхайн улмаас эвдэрч орхигдсон талбайг нөхөн сэргээж байгаа. Энэ ажил ямар шатанд яваа вэ?
-Улсын хэмжээнд бичил уурхайн улмаас эвдэрч орхигдсон 8000 га талбай байдаг. Монгол Улсын Засгийн газрын 2020-2024 оны үйл ажиллагааны хөтөлбөрт “Уул уурхайн олборлолтын улмаас эвдэрч орхигдсон талбайг нөхөн сэргээнэ” гэж тусгагдсан. Үүний дагуу Байгаль орчин, аялал жуулчлалын яам, Төрийн өмчийн бодлого зохицуулалтын газраас манай үйлдвэрт Сэлэнгэ аймгийн Ерөө сумын найман байршилд 2000 га талбайд техникийн нөхөн сэргээлт хийх үүрэг чиглэл өгсөн. Энэ ажлын хүрээнд техникийн нөхөн сэргээлт хийх тооцоо судалгааг мэргэжлийн байгууллагаар хийлгэн тендер зарласан. Тендерт хоёр компани шалгарсан бөгөөд энэ жил нийт 1230 га талбайд нөхөн сэргээлт хийж байна. “Тотал идеал”компани 429,14 га-д нөхөн сэргээлтээ дуусгаж, Жинжий майнинг компани 800,7 га талбайн 90 хувийг нөхөн сэргээсэн. 11-р сарын 30 гэхэд дуусгахаар ажиллаж байна. 
-Хүчиллэг ус хуримтлуулах бассейн барина гэсэн. Энэ талаар мэдээлэл өгнө үү?
-Үйлдвэрийн газрын үйл ажиллагаанаас буй болсон үүсмэл орд буюу овоолгуудын ёроолоос олон жилийн хур тунадас, бороо, цасны нөлөөллөөр хүчиллэг ус гардаг. Иймээс үйлдвэрийн газраас байгаль орчинд үзүүлэх сөрөг нөлөөллөөс сэргийлж хүчиллэг ус хуримтлуулах бассейнуудыг 2011 оноос барьж ашиглалтад оруулсан. Тухайлбал, Ил уурхайн Засварын хэсгийн зүүн доод талд байрлах овоолгын дор 5000, Ил уурхайн 8, 12-р овоолгуудын дор 40000 шоо метрийн багтаамжтай хоёр бассейн хийж ашиглалтад оруулсан. Тус бассейнуудад хуримтлагдсан хүчиллэг усыг “Гал сэнтий”, “Монрос-Эко” компаниуд ашиглан зэс гаргах үйл ажиллагаа явуулж байна. Үлдсэн усыг байгаль орчинд сөрөг нөлөөгүйгээр саармагжуулж байгаа. Энэ жил бороо их орсны улмаас 10-р сарын эхээр Гал унтраах 58-р ангийн зүүн жалганаас хүчиллэг ус гарсан. Манай хэлтэс холбогдох бүтцийн нэгжтэй хамтран хүчиллэг усыг түр даланд хуримтлуулан, Ил уурхайн Засварын хэсгийн зүүн доод талд байрлах бассейн руу шахаж байгаль орчинд үзүүлэх сөрөг нөлөөллийг бууруулах арга хэмжээ авч байна. Техникийн зөвлөлөөр хэлэлцэн, тухайн газарт болон Ил уурхайн 9-р овоолгын дор хоёр бассейн барихаар шийдвэрлэсэн. Зураг төслийн хүрээлэн зураг төслийг нь хийж байна. Үүнийг дулааны улирлаас өмнө ашиглалтад оруулах төлөвлөгөөтэй.
-Баярлалаа.

Энэ мэдээ танд ямар санагдав?
Хайр татам байна
0
Таалагдаж байна
0
Гайхалтай байна
0
Гунигтай байна
0
Уур минь хүрч байна
0

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

ӨНӨӨДРИЙН ЗУРХАЙ

wave
|
Нар минутад мандаж минутад жаргана.


Үс засуулвал:
Суудал:


Ярилцлага

wave
Д.Жаргалсайхан: Хүн хүч, хөрөнгө мөнгө дутаж байгаа энэ үед тусалж буй баялаг бүтээгчдэдээ баярлалаа
М.ДАВААЖАВ: Химийн шинжилгээний чанар хангалт Олон улсын түвшинд хүрсэн
Г.БАТМӨНХ: Энэ онд техникийн томоохон шинэчлэлүүд хийнэ
Л.Уранцэцэг: Манай бүтээмж чанарын дугуйлангууд үйлдвэрлэл, үйл ажиллагаанд тулгарсан асуудлыг шийдэхэд томоохон нөлөө үзүүлдэг
Ч.ХҮРЭЛБААТАР: Би 40 насандаа шатрын учрыг олж, 50 хүрч философийг нь ойлгосон
Б.ЧИНЗОРИГ: Энэ жил үйлдвэрлэлийн үндсэн 51 тоног төхөөрөмжид их засвар хийж, найдварт ажиллагааг хангана
Х.ДОЛГОРМАА: Ажилдаа чин сэтгэлтэй хандвал амжилт аяндаа ирнэ
Ж.Эрдэнэчимэг: Ажилтнууд 20 орчим нэр төрлийн багцаар эрүүл мэндийн үзлэгт хамрагдана
П.ПҮРЭВДОРЖ: Эрдэнэт үйлдвэр гэдэг нэр миний цол чимэг мэт санагддаг
Д.МӨНХБОЛД: Цаашид хиймэл оюун ухаан ашиглаж, аюул ослоос урьдчилан сэргийлнэ

Хайлт хийх ...

ESC дарж буцах боломжтой.

Цаг агаар
Эрдэнэт хот
Өнөөдөр
2023-12-31
-6°C
Багавтар үүлтэй
Салхи: 6м/сек
-13°C
Багавтар үүлтэй
Салхи: 5м/сек
2024-01-01
-6°C
Үүл багаснa
Салхи: 7м/сек
-16°C
Үүлшинэ
Салхи: 6м/сек
2024-01-02
-8°C
Багавтар үүлтэй
Салхи: 7м/сек
-18°C
Багавтар үүлтэй
Салхи: 6м/сек
2024-01-03
-6°C
Цас
Салхи: 5м/сек
-13°C
Үүлшинэ
Салхи: 5м/сек
2024-01-04
-10°C
Үүлшинэ
Салхи: 6м/сек
-17°C
Цас
Салхи: 5м/сек
Валютын ханш
Монголбанк
Валют Ханш
USD 3409.39 -0.0004 %
EUR 3731.58 -0.0161 %
GBP 4332.82 -0.0091 %
RUB 37.42 -0.0067 %
CNY 476.27 -0.0079 %
KRW 2.59 -0.0232 %
CAD 2548.89 -0.0144 %
NZD 2125.75 -0.0195 %
AUD 2285.66 -0.0225 %
JPY 23.61 -0.0258 %
HKD 436.62 +0.0004 %
SGD 2562.2 -0.0112 %
CHF 4010.58 -0.0131 %
SEK 331.69 -0.0360 %
TRY 114.24 -0.0140 %
THB 97.51 -0.0251 %