Баяжуулах үйлдвэрийн хамт олон “Дэвшилд тэмүүлэгч хамт олон-2023” болзолт уралдааны хүрээнд спортын 10 гаруй төрлөөр тэмцээн уралдаан зохион байгуулж байна. Тэд энэ сарын 30-ны өдөр Корнхоллын аварга шалгаруулах анхдугаар тэмцээнийг Чийрэгжүүлэлт, хөгжлийн төвд амжилттай зохион байгууллаа. Тэмцээнд цехийн 7 хэсгийн 18 тамирчин оролцож, авхаалж самбаагаа сорин өрсөлдлөө.
Корнхоллын аварга шалгаруулах тэмцээний нийлбэр дүнгээр Нунтаглан баяжуулах хэсгийн баг тамирчид 1-р байр, Дулаан агааржуулалт болон Аж ахуйн хэсгийн тамирчид тус бүр 4 оноотой 2-р байр, Механик боловсруулалт ба бигнүүрийн хэсгийнхэн 3-р байрт шалгарсан байна. Ажилчдын чөлөөт цагийг зөв боловсон өнгөрүүлэх, спортоор хичээллэх эерэг дадал төлөвшүүлэх зорилгоор Баяжуулах үйлдвэр корнхоллын иж бүрэн хэрэгсэлтэй болсныг тэмцээний үеэр танилцууллаа. Дашрамд сонирхуулахад, корнхолл нь манай улсад шинэ тутам хөгжиж буй спортын нэг төрөл бөгөөд Корнхоллын Улсын аварга шалгаруулах анхдугаар тэмцээн өнгөрсөн нэгдүгээр сард Улаанбаатар хотноо зохиогджээ.
“Дэвшилт тэмүүлэгч хамт олон-2023” болзолт уралдааны нийт дүнгээр одоогийн байдлаар Дулаан агааржуулалтын хэсгийн хамт олон хошуучилж, амжилтаа бататгасаар байна. Цехийн хамт олон ирэх амралтын өдрүүдэд Даамны аварга шалгаруулах тэмцээн зохион байгуулахаар төлөвлөжээ.
Нар минутад мандаж минутад жаргана.
Үс засуулвал: 
Суудал: 
