Баяжуулах үйлдвэрийн хамт олон “Аз жаргалтай хүүхэд нас” өдөрлөг зохион байгуулж, 14 хэсгийн 500 орчим хүүхэд багачуудаа баярлууллаа. Олон Улсын Хүүхдийн эрхийг хамгаалах өдрийг энэ жил “Хүүхэд бүхэн аз жаргалтай байг” уриалга дор тэмдэглэн өнгөрүүлсэн бөгөөд тус цехийн хамт олон нийт хүүхэд багачуудынхаа дунд насны ангиллаар тэмцээн уралдаан явуулж, шилдгүүдээ шалгаруулсан юм. Өдөрлөгийн нээлтэд “Эрдэнэт үйлдвэр” ТӨҮГ-ын Тамгын газрын дарга Д.Үүрийнтуяа, Баяжуулах үйлдвэрийн дарга М.Отгон, тус цехийн Хүний нөөцийн товчооны Тэргүүлэх мэргэжилтэн Т.Тунгалагтамир, Эмэгтэйчүүдийн Зөвлөлийн дарга С.Сэрээнэнжав болон цехийн холбогдох бусад ажилтнууд оролцлоо.
Хүүхдийн баярын өдөрлөгийг Баяжуулах үйлдвэрийн Чийрэгжүүлэлт, хөгжлийн төвд зохион байгуулж, 0-17 насны хүүхдүүдийг хамруулсан байна. Ингэхдээ 0-1 настнуудын дунд “Манцуйтай тамирчин” мөлхөө жаалын уралдаан, 1-2 настнуудын дунд гар бөмбөг шидэлтийн тэмцээн, 4-5 настнуудын дунд “Би уран уншигч” уран уншлагын уралдаан, 6-8, 9-11, 12-14 насны ангилалд “Миний мөрөөдөл” сэдэвт гар зургийн уралдаан, 15-17 насны хүүхэд багачуудын дунд “Эх дэлхий миний ээж” сэдэвт зохион бичлэгийн уралдааныг тус тус зохион байгууллаа. Цехийн захиргаанаас уралдаанд оролцсон нийт хүүхдүүдэд гарын бэлэг гардуулан өгч, сурлага хөдөлмөрийн амжилт хүслээ.
Мөн Баяжуулах үйлдвэрийн захиргаа жил бүрийн энэ өдөр цехийнхээ шилдэг “Тэргүүний гэр бүл”-ийг шалгаруулдаг уламжлалтай. Энэ жилийн тухайд Баяжуулах үйлдвэрийн “Хөдөлмөрч гэр бүл”-ээр Нунтаглан баяжуулах хэсгийн Ахлах технологич Ч.Энхбаатар, Өөрөө нунтаглах хэсгийн Ахлах цахилгаанчин Ц.Бат-Эрдэнэ, Засварын хэсгийн гагнуурчин Д.Лхагвадорж нарын гэр бүл шалгарсан бол хамгийн “Бүтээлч гэр бүл”-ээр Шүүн хатаах хэсгийн краны машинч Д.Отгончулууны гэр бүл, “Авьяаслаг гэр бүл”-ээр Хийн үлээгүүрийн машинч Р.Хасбатын гэр бүл тус тус шалгарчээ.
Нар минутад мандаж минутад жаргана.
Үс засуулвал: 
Суудал: 
