Өнгөрсөн амралтын өдрүүдэд улсын хэмжээнд зохион байгуулагдсан төрөлжсөн олимпиадын II даваанд Эрдэнэт үйлдвэрийн дэргэдэх “Эрдэнэт цогцолбор” дээд сургуулийн харьяа Ахлах сургууль болон Орос 19 дүгээр сургуулийн багш, сурагчид амжилттай оролцлоо. Монгол хэл, Үндэсний бичиг, Математик, Хими, Физик, Газар зүй, Англи хэл, Орос хэл, Түүх, Нийгмийн ухаан, Техник технологи, Мэдээлэл зүй, Биологи хичээлүүдээр төрөлжсөн тус олимпиадад “Эрдэнэт цогцолбор” дээд сургуулийн харьяа Ахлах сургуулийн 51 сурагч оролцсоноос химийн хичээлийн төрөлд 9а ангийн сурагч Э.Мөнхцолмон, 10а ангийн сурагч Э.Төвшинзаяа нар нэгдүгээр байр, 9а ангийн сурагч Б.Энх-Амгалан, 10а ангийн сурагч Б.Молор-Оюу, 12а ангийн сурагч Б.Бэрцэцэг нар хоёрдугаар байр, 10а ангийн сурагч Э.Энхтөр, 11а ангийн сурагч А.Оюунгэрэл нар гуравдугаар байранд тус тус шалгарчээ.
Мөн Орос хэлний хичээлийн төрөлд 12а ангийн сурагч Л.Билгүүн түрүүлж, Монгол улсын түүх хичээлийн төрөлд 9а ангийн сурагч Ц.Батбадрал дэд байр, Англи хэлний хичээлийн төрөлд 12а ангийн сурагч Б.Мөнх-Үжин гутгаар байр тус тус эзэлсэн байна.
Түүнчлэн Эрдэнэт үйлдвэрийн дэргэдэх, Ерөнхий боловсролын Орос 19 дүгээр сургуулийн 12б ангийн сурагч Э.Энхжин Англи хэлний гүнзгийрүүлсэн төрөлд түрүүллээ. Багш нарын олимпиадад тус сургуулийн Монгол хэлний багш Б.Нямсүрэн Үндэсний бичгийн төрөлд тэргүүн байр, Монгол хэлбичгийн төрөлд тавдугаар байранд тус тус шалгарсан бол Монгол хэлний багш Ц.Даваадулам долоодугаар байр эзэлсэн байна.
Нар минутад мандаж минутад жаргана.
Үс засуулвал: 
Суудал: 
