“Эрдэнэт үйлдвэр” ТӨҮГ-т хүний нөөцийн чанарын менежментийн дотоод аудитор бэлтгэх сургалт өндөрлөж, мэргэжилтнүүд 9001 болон ISO:30400 багц стандартын дотоод аудитын үйл ажиллагааг удирдан зохион байгуулахад мэргэшсэн хос гэрчилгээгээ өнөөдөр гардлаа. Хүний нөөц, захиргааны хэлтэс, “Global Talent Management” компанитай хамтран зохион байгуулсан энэхүү сургалтад хүний нөөцийн менежментийн үйл ажиллагааны өндөр шалгуур давсан 15 мэргэжилтнийг сонгож дотоод аудитораар бэлтгэжээ. Тэд хүний нөөцийн чанарын менежментийн багц стандартын хос сертификаттай болсноор зөвхөн Эрдэнэт үйлдвэртээ төдийгүй Монгол Улсын түвшинд дотоод аудит хийх, зөвлөн туслах үйлчилгээ үзүүлэх эрх бүхий мэргэжилтнүүд болж байгаагаараа онцлог юм.
Гэрчилгээ гардуулах ёслолын үеэр “Global Talent Management” компанийн Гүйцэтгэх захирал Ю.Наранцацрал “Байгууллагын хөгжилд хамгийн үнэ цэнтэй хувь нэмэр оруулдаг хүмүүсийн нэг нь хүний нөөцийн мэргэжилтнүүд байдаг. Тэд ийнхүү чадавхжиж, мэдлэгээ улам бататгаж, басхүү шалгаж нотолж байгаад баяртай байна. Монголын хүний нөөцийн чанарын менежментийн цөөхөн аудиторуудын эгнээнд элсэж байгаа мэргэжилтнүүддээ Тэргүүлэх аудиторууд болоорой!” хэмээн ерөөл дэвшүүлсэн юм.
“Эрдэнэт үйлдвэр” ТӨҮГ-ын Хүний нөөц, захиргааны хэлтэс энэ онд долоон байгууллагад дотоод аудит хийхээр төлөвлөжээ. Үүний дараа Францын “Афнор” группын магадлан аудитад орох юм.
Нар 06:42 минутад мандаж 19:14 минутад жаргана.
Үс засуулвал: Өнгө зүс сайжирна
Суудал: Гал
