Монгол Улсын баатар Эрдэнэт үйлдвэрийн хамт олон 2021 оныг амжилт бүтээл арвин, шагналын “хур”-тай үдэж байна. Тулгар төрийн 2230, Их Монгол улс байгуулагдсаны 815, Үндэсний эрх чөлөө, тусгаар тогтнолоо сэргээн мандуулсны 110, Ардын хувьсгалын 100 жилийн ойг тохиолдуулан эрхэлсэн ажилдаа олон жил үр бүтээлтэй ажиллаж, онцгой амжилт гарган, эх орныхоо хөгжил цэцэглэлтэд оруулсан үнэтэй хувь нэмрийг нь үнэлж Тээвэр ложистикийн төвийн дарга асан С.Мөнхтэгшид Ерөнхийлөгч Монгол Улсын Гавьяат тээвэрчин цол хүртээснийг Орхон аймгийн ИТХ-ын дарга Д.Мөнхбат өнөөдөр болсон ёслол хүндэтгэлийн ажиллагаан дээр гардууллаа. Энэ үеэр мөн Байгаль орчин, ногоон хөгжлийн хэлтсийн дарга О.Эрдэнэтуяа, Эдийн засгийн хэлтсийн дарга Д.Нарантуяа, Үйлдвэрлэлийн хэлтсийн орлогч дарга Д.Нямдорж, Тээвэр ложистикийн төвийн ахмад ажилтан Д.Энхбаатар нар Хөдөлмөрийн гавьяаны улаан тугийн одонгоор, Автотээврийн цехийн дарга Я.Дамдиндорж, Засвар угсралтын цехийн Ерөнхий инженер Т.Атарбаяр, Геологи хайгуулын экспедицийн дарга М.Дамдинсүрэн, Үйлдвэрлэлийн хэлтсийн ээлжийн дарга-диспетер Г.Болд-Эрдэнэ нар Алтан гадас одонгоор энгэрээ мялаасан юм. Харин Хөдөлмөрийн хүндэт медалиар “Сэлэнгэ” амралт, аялал жуулчлалын цогцолборын албан тасалгааны үйлчлэгч М.Нармандах шагнагдлаа.
Түүнээс гадна “Эрдэнэт үйлдвэр” ТӨҮГ-ын удирдлагууд 2021 онд хамт олноо манлайлан, идэвх санаачилгатай, үр бүтээлтэй, өндөр амжилт гаргасан шилдэг ажилтнууддаа хүндэтгэл үзүүлэв. Энэ оны шилдгийн шилдэг ажилтнаар Баяжуулах үйлдвэрийн бутлуурчин Баянмөнхийн Дамдин, Шилдэг удирдах ажилтнаар Баяжуулах үйлдвэрийн Ерөнхий инженерийн орлогч-Механикийн албаны дарга Баярмагнайн Болор-Эрдэнэ, Оны шилдэг ажилтнаар Ил уурхайн өрмийн машинч Буянхишигийн Дэрэм, Баяжуулах үйлдвэрийн тоног төхөөрөмжийн засварчин Дарамжавын Цэрэнчимэд, Авто тээврийн цехийн хүнд даацын машины жолооч Самбуугийн Ганзориг, Шилдэг мэргэжилтнээр Эдийн засгийн хэлтсийн төлөвлөлтийн тэргүүлэх эдийн засагч Дашдаваагийн Будсүрэн, Авто тээврийн цехийн засварын мастер Шуураагийн Болорсайхан, “Эрдэнэт цогцолбор” дээд сургуулийн Сургалтын албаны дарга Доржжавын Болор-Эрдэнэ, Шилдэг шинийг санаачлагчаар Ил уурхайн тоног төхөөрөмжийн цахилгаанчин Гүрдоржийн Ням-очир, Баяжуулах үйлдвэрийн цахилгааны инженер Сайнцогтын Хатанбаатар, Засвар механикийн заводын эрчим зүйч Батсүхийн Наранбаатар нар тодорч шилдгийн цом, шагналаа гардлаа. Харин энэ жилээс шинээр нэмэгдсэн шалгаруулалт болох Шилдэг залуу ажилтан номинацийн эздээр Баяжуулах үйлдвэрийн шинэ техник, технологи барилга хариуцсан инженер Мягмарын Гантулга, Мэдээллийн технологийн хэлтсийн Системийн аюулгүй байдлын шинжээч Амарсайханы Ууганжаргал, Хөрөнгө оруулалт, худалдан авах ажиллагааны бодлогын газрын Гэрээний баримт, бүртгэл хариуцсан мэргэжилтэн Ганболдын Лхагважав нар тодорсон байна. Эрдэнэтийн уухайчдын нэр хүндийг илтгэдэг А.Ф.Тюряковын нэрэмжит шагналыг Ил уурхайн экскаваторын машинч Загдын Цогтсайхан, Баяжуулах үйлдвэрийн тоног төхөөрөмжийн засварын механикч В.Н. Михайлович, Геологи хайгуулын экспедицийн Тэргүүлэх геологич Хоролгаравын Амарзаяа нар хүртсэн юм.
М.ОДГЭРЭЛ
Б.БАТТӨГС
Нар 04:56 минутад мандаж 20:44 минутад жаргана.
Үс засуулвал: Эд мал арвидна.
Суудал: Ус
