• Оны эхний 7 сард үйлдвэрлэлийн төлөвлөгөө бүх үзүүлэлтээр биеллээ

         Эрдэнэт үйлдвэрийн бүтээлч хамт олон 2020 оны эхний 7 сард үйлдвэрлэлийн төлөвлөгөөгөө бүх үзүүлэлтээр биелүүллээ. Он гарсаар уурхайчид 14876 мянган метр куб уулын цул гаргаж, 6499 мянган метр куб хөрс хуулалтын ажил гүйцэтгэжээ. Ингэснээр уулын цул гаргалтын төлөвлөгөө 103.4 хувиар, хөрс хуулалтын төлөвлөгөө 105.9 хувиар тус тус давж биелэв. Энэ хугацаанд нийт 21361 мянган тонн хүдэр олборлож, төлөвлөгөө 101.6 хувиар, исэлдсэн хүдэр олборлолтын төлөвлөгөө 108.3 хувиар биеллээ. Мөн 296950 тууш метр өрөмдөж, төлөвлөгөө 104.4 хувиар, ачаа эргэлтийн төлөвлөгөө 105.7 хувиар тус тус биелсэн байна. Баяжуулагчид оны эхнээс 19137 мянган тонн хүдэр боловсруулж, төлөвлөгөөний биелэлт 101.5 хувьтай байна. Хүдэр дэх зэсийн агуулгын төлөвлөгөө 100.4 хувиар, молибдений агуулгын төлөвлөгөө 109.5 хувиар биелсэн бол зэсийн металл авалт 100.3 хувь, молибдений металл авалт 108.2 хувийн биелэлттэй байна.  Энэ хугацаанд зэсийн баяжмал гаргалтын төлөвлөгөө хуурай жингээр 102.2 хувь, молибдений баяжмал гаргалт 115.7 хувь, баяжмал дахь зэсийн агуулга 102.2 хувь, молибдений агуулга 120.2 хувь хүрч биелжээ. Оны эхний 7 сард нийт 339062 тонн зэсийн баяжмал, 3266 тонн молибдений баяжмал ачигдаж, чанарын төлөвлөгөө 102.3-104.1 хувиар биелсэн байна.      Тэгвэл өнгөрсөн 7 дугаар сард 2200 мянган метр куб уулын цул гаргаж, 984 мянган метр куб хөрс хуулсан байна. Уурхайчид 3100 мянган тонн хүдэр олборлосон бол баяжуулагчид 836 мянган тонн хүдэр боловсруулсан байна. Өнгөрсөн сард 50994 тонн зэсийн баяжмал, 450 тонн молибдений баяжмал тус тус ачуулж, чанарын төлөвлөгөөг 102-105.6 хувьд хүргэж, ажилласан байна. М.Балжинням Фото Ш.Лхамсүрэн Дэлгэрэнгүй...
  • “Хариуцлагатай жолооч” аян эхэллээ

         Эрдэнэт үйлдвэрийн Авто тээврийн цех, Гэрээт цагдаагийн хэлтсийн Замын цагдаагийн хэсэгтэй хамтран “Хариуцлагатай жолооч” хөтөлбөр хэрэгжүүлж эхэллээ.      Уг хөтөлбөр нь зам тээврийн ослоос урьдчилан сэргийлэх, энэ төрлийн гэмт хэргийг бууруулах зорилгоор Цагдаагийн ерөнхий газрын Тээврийн цагдаагийн албанаас орон даяар зохион байгуулж буй “Яараад яахав дээ-II” аяны хүрээнд хэрэгжиж буйг Замын цагдаагийн хэсгийн Ахлах зохицуулагч, Ахмад Б.Ганзориг ярилаа.  Аймаг, нийслэл дүүргийн Замын цагдаагийн хэсгүүд тухайн нутаг дэвсгэртээ олон төрлийн хөтөлбөр авч хэрэгжүүлж буй бөгөөд Эрдэнэт үйлдвэрийн Замын цагдаагийн хэсэг үйлдвэрийн бүсэд замын хөдөлгөөнд оролцдог бүх жолооч нарын хариуцлагыг дээшлүүлэх, “Яараад яахав дээ-II” аянд нэгтгэхээр “Хариуцлагатай жолооч” хөтөлбөрийг санаачилжээ.      Тус хөтөлбөрийн үеэр “Аюулгүй жолооч”, “Зөрчилгүй жолооч”, “Соёлтой жолооч”-ийг шалгаруулж, жолооч нарт дүрмийн мэдлэг олгох, хариуцлагатай байх зэрэг соён гэгээрүүлэх чиглэлийн сургалт явуулах аж. “Хариуцлагатай жолооч” хөтөлбөр энэ оны 12 дугаар сарын 15 хүртэл үргэлжлэх юм байна. М.Балжинням Фото Ш.Лхамсүрэн Дэлгэрэнгүй...
  • “Их зогсолт”-ын үеэр 300 гаруй их засварын ажлыг чанартай, амжилттай гүйцэтгэлээ

         Эрдэнэт үйлдвэрийн удирдлагуудын даваа гаригийн ээлжит шуурхай зөвлөгөөн уурхайчиддаа дэвшүүлсэн талархлын үгээр эхэллээ. Тус үйлдвэрийн Ерөнхий захирлын Нэгдүгээр орлогч бөгөөд ерөнхий инженер Т.Батмөнх шуурхай зөвлөгөөнийг нээхдээ, өнгөрсөн амралтын өдрүүдэд үйлдвэрийн “Их зогсолт” төлөвлөгөөний дагуу амжилттай болж, үүнд уурхайчин хамт олон бэлтгэл сайтай, чанарын өндөр түвшинд шуурхай хийж гүйцэтгэснийг тэмдэглэн, талархал илэрхийлсэн юм. Тасралтгүй үйл ажиллагаатай Эрдэнэт үйлдвэр жилд нэг удаа үйлдвэрлэлээ зогсоон, нөөцгүй тоног төхөөрөмжийн иж бүрэн засвар үйлчилгээ хийж, найдвартай байдлыг хангадаг уламжлалтай. Энэ жилийн “Их зогсолт”-ыг  7 дугаар сарын 31-ний 18.00 цагаас 8 дугаар сарын 2-ны 19.00 цаг хүртэл үргэлжлүүлж, амжилттай залгасан байна. Үйлдвэрийн удирдлага, хамт олон нэг хүч, зорилгын дор энэ удаагийн “Их зогсолт”-ын бэлтгэл ажлаа долоо хоногийн өмнө бүрэн хангаж, зохион байгуулалт сайтай ажилласан нь их засвар чанартай хугацаандаа дуусаж, үйлдвэрлэлээ хүндрэл, саадгүй залгах боломж бүрдүүлжээ. “Их зогсолт”-ын ажилд давхардсан тоогоор 1410 хүн, 103 засварын ажлыг 10 обьектод гүйцэтгэснийг Баяжуулах үйлдвэрийн дарга М.Отгон мэдээлсэн бол үйлдвэрийн хэмжээнд нийт 330 нэр төрлийн ажил таван үндсэн чиглэлээр хийгдэж, туслан гүйцэтгэгчээр оролцсон Засвар механикийн завод, Барилга засварын цех, Засвар угсралтын цехүүд сайн ажилласныг Механикийн хэлтсийн дарга Б.Чинзориг онцлов. Мөн “Их зогсолт”-ын бэлтгэл ажлын хүрээнд 1151 ширхэг шаардлагатай материал, сэлбэг хэрэгслийн захиалга өгснөөс 95 хувь бүрэн нийлүүлэгдсэн. Үлдсэн таван хувь нь урсгал засварт ашиглагдах захиалга байсан тул их зогсолтын ажилд нөлөөлөөгүй. Энэ бүхнийг хугацаанд нь нийлүүлж, хурдан шуурхай ажилласан Худалдан авах хангамжийн хэлтсийнхэнд талархал илэрхийлье” гэсэн юм.      Өнгөрсөн долоо хоногт хөдөлмөрийн аюулгүй байдлын зөрчил дутагдалгүй ажиллаж, цех нэгжүүд төлөвлөгөөний дагуу үйлдвэрлэлийн ажлаа хэвийн үргэлжлүүлж байна. Захиргаа, хүний нөөцийн бодлогын газраас өнгөрсөн долоо хоногт корона вирусын тархалтаас үүсээд буй нөхцөл байдлыг даван туулах ажлыг зохион байгуулах зорилготой ажиллаж буй Төв бол дэд штабын хагас жилийн ажлын тайланг гаргасан байна. Тайланг төлөвлөгөөний гүйцэтгэл, үүрэг даалгаврын гүйцэтгэл, дэд штабуудын ажлын үр дүн, эдийн засгийн үр дүн чиглэлээр бэлтгэжээ. Мөн тус газраас үйлдвэрийн ажиллагсдадаа төрсөн өдөр болон 50 насны ойгоор нь мэндчилгээ зурвасаар илгээх үйлчилгээг нэвтрүүлсэн байна. Түүнчлэн Хамтын гэрээний дагуу 5,10,15,20,25 дахь жилийн ойн өдрийн баяр мэндчилгээ, ээлжийн амралт, цалингүй чөлөө дуусах өдрийн мэдээлэл зэргийг зурвасаар хүргэдэг болжээ.      Эрдэнэт үйлдвэрийн 2020 оны хагас жилийн үйлдвэрлэл эдийн засгийн төлөвлөгөөний гүйцэтгэл, үр дүнгийн тайлангийн хурал өнөөдөр Ил уурхай, Авто тээврийн цехээр эхэлж, хуваарийн дагуу гурван өдөр үргэлжилнэ.   М.Балжинням Фото Ш.Лхамсүрэн Дэлгэрэнгүй...
  • Өнөөдөр 08 дугаар сарын 03

    Мэдүүштэй... 1. Өнөөдөр жилийн 215дахь өдөр. Он дуусахад 150 хоног үлдлээ.                 2. Эрдэнэт хотод агаарын хэм өдөртөө +20градус, шөнөдөө +10 градус дулаан,үүлшинэ, салхины хурд 6м/сек байна. (Эх сурвалж: www.tsag-agaar.gov.mn) 3. Аргын тооллын 8 дугаар сарын 03.Сумьяа гараг. Билгийн тооллын 15.Булаагч одтой, шар бар өдөр. Өдрийн наран 5 цаг 32 минутад мандан, 20 цаг 25 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр эе эвээ ололцох, хамтын хөдөлмөр эрхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлэлцээр байгуулахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана (23:40-01:40), үхэр (01:40-03:40), луу (07:40-09:40), могой (09:40-11:40), хонь (13:40-15:40), нохой (19:40-21:40) болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн. 4. Монгол банкны энэ өдрийн нэрлэсэн ханшаар АНУ-ын доллар 2845,евро 3345, БНХАУ-ын юань 406, ОХУ-ын рубль 38, Японы иен 27, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn) 5.Дэлхийн зах зээл дээр нэг тонн зэс 6446.5 ам.долларын ханштай байна. (Эх сурвалж: www.lme.com)   Эрдэнэт үйлдвэрийн түүхэнд энэ сард... 1965 оны 08 дугаар сар Монгол, Чехословакийн хамтарсан геологийн анги Эрдэнэтийн Овооны орд газарт явуулсан эрэл, үнэлгээний ажлын тайлангаа хэлэлцүүлэв. 1974 оны 08 дугаар сар МХЗЭ-ийн Төв Хорооноос их бүтээн байгуулалтад оролцох анхны илгээлт авсан 54 залуу Эрдэнэтийг зорив. 1975 оны 08 дугаар сар  БелАЗ машины жолоочийн нэг жилийн курст суралцах эхний ээлжийн хүмүүсийг ЗХУ-руу илгээв. 1977оны 08 дугаар сар  Уул уурхайн баяжуулах “Эрдэнэт комбинатыг боловсон хүчнээр хангах зарим арга хэмжээний тухай” БНМАУ-ын Сайд нарын Зөвлөлийн 254 дүгээр тогтоол гарав.   Дэлгэрэнгүй...
  • Манлайлагчдын урамшууллыг нэмэгдүүлжээ

         “Эрдэнэт үйлдвэр” ТӨҮГ  бүтцийн нэгжүүдийнхээ   ХАБЭА-н урьдчилан сэргийлэх үйл ажиллагааны хоёрдугаар улирлын ажлыг  дүгнэлээ.  Үйлдвэрлэлийн үндсэн цехүүдийг  Засвар механикийн заводын хамт олон манлайлсан бол хоёрдугаар хэсгийг   Чанарын хяналтын хэлтэс,  гуравдугаар хэсгийг   Засвар угсралтын цех тэргүүлжээ. Харин нийгмийн цехүүдийг   Спорт ордны хамт олон манлайлав.      Саяхан шинэчилсэн ХАБЭА-н  журмаар ХАБЭА-н үйл ажиллагаанд амжилттай оролцож,  тэргүүлсэн  хамт олны урамшууллыг нэмэгдүүлсэн байна. Нэгдүгээр хэсэгт тэргүүлсэн хамт олонд таван сая төгрөгийн урамшуулал олгодог байсныг  зургаан сая төгрөг, хоёрдугаар хэсэгт тэргүүлэгчийн урамшууллыг хоёр сая төгрөгөөр нэмж,  таван сая төгрөг, гуравдугаар хэсэгт тэргүүлэгчийн  урамшууллыг  1,5 саяар нэмэгдүүлэн  гурван сая, дөрөвдүгээр хэсэгт тэргүүлэгчийн урамшууллыг нэг сая төгрөгөөр нэмэгдүүлэн 1,5 сая төгрөг болгосон байна.      Түүнчлэн улирал тутамд  “Аюулгүй ажиллагч”-ийн жагсаалтад анх удаа бичигдсэн 27 ажилтанг шалгаруулдаг  байсан бол шинэчилсэн журмаар  65 болгон нэмжээ.   Энэ нь үйлдвэрийн захиргаанаас ХАБЭА-н урьдчилан сэргийлэх үйл ажиллагаанд ажилчдын оролцоо, манлайллыг дээшлүүлэхэд  ихээхэн  анхаарч буйн илрэл юм.  “Аюулгүй ажиллагч”-аар анх удаа шалгарсан ажилчдад  өнөөдөр бүтцийн нэгжүүдийн удирдлагуудаар дамжуулан бэлэг дурсгал олгов. Мөн энэхүү жагсаалтад хоёр дахь удаагаа  14 ажилтан шалгарав.  ХАБЭА-н хэлтсээс  эдгээр 14 ажилтан  болон  тэргүүлэгч дөрвөн цехийн удирдлагыг  оройн зоогт урьж, халуун дотно яриа өрнүүллээ. Эрдэнэт үйлдвэр таван жил тутамд ХАБЭА-н журмаа шинэчлэн боловсруулдаг юм.                                                                                                                    Я.Энхтуяа Фото: Ш.Лхамсүрэн Дэлгэрэнгүй...
  • Эрээн даавуу хөвөрсөөр, их ажил өрнөсөөр...

         Монгол Улсын Их сургуулийн сэтгүүлчийн ангийн оюутан надад дэлхийн хэмжээнд үнэлэгдэх “Эрдэнэт үйлдвэрт” дадлага хийх ховорхон боломж тохиосон юм. Уурхайчны амьдрал, үйлдвэрийн ажлыг Төмөрлөгийн үйлдвэрээр л төсөөлдөг Дарханы охинд энэ сүрлэг үйлдвэр жигтэй сонихон.  Бүтцийн нэгж бүр үйлдвэрлэлийн амин гол судас мөн ч сэтгүүлч эгчийн зөвлөсний дагуу Эрдэнэт үйлдвэрийн “Оёдлын цехтэй” танилцахаар үзэг дэвтрээ бариад догдолж явна.      Цг цг цг автомат оёдлын машины нарийн дуу шуугиж үйлдвэрлэл, цех нэгж гэх жинхэнэ утгаараа авцалдах шиг. Цайвар ягаан хормогчтой оёдолчин бүсгүйчүүд дуу нийлүүлэн мэндэлж угтана. Ажилчдын 60 хувь нь эмэгтэйчүүд гэнэ. Идэр залуус ч цөөнгүй үзэгдэнэ. Улсдаа ТОП-д эрэмблэгдэх Эрдэнэт үйлдвэрийн баялаг бүтээх үйлсэд гар бие оролцох нь нэр төрийн хэрэг билээ. Цехийн ерөнхий төлөв, аж байдалтай танилцахаар дарга Ц.Батмөнхтэй цөөн хором ярилцав. 1991 онд “Эрдэнэт үйлдвэр” ХХК-ийн оёдлын цехээр байгуулагдаж, 2006 оноос охин компани болон өөрчлөгдсөн тэд бүтцийн нэгжид багтаад  жилийн нүүр үзэж буй гэнэ. Ажилчдын хувцас, баяжмал зөөвөрлөх уут үйлдвэрлэдэг тэдэнд цех, нэгж болсноор цалин хангамж, техник технологи, үр дүнгийн урамшууллаас эхлээд олон зүйл сайжирч байгаад удирдлага, ажилчдын зүгээс сэтгэл хангалуун байгаа нь илэрхий. Эрдэнэт үйлдвэр 6000 гаруй ажилчинтай. Жилдээ 580 орчим мянган тонн зэсийн баяжмал 5.3 тонн молибденийн баяжмал гаргадаг энэхүү нүсэр үйлдвэрт  оёдлын цехээс сардаа 14 мянга орчим уут нийлүүлдэг ажээ. Мастер Т. Мижиддорж “Эрдэнэт үйлдвэртээ баялаг бүтээж байна гэж бодохоор сайхан. Бид жилдээ 150-170 мянган шуудай нийлүүлдэг. Үйлдвэр боломж олгож хөрөнгө оруулбал жилийн хэрэгцээ болох 250 мянган шуудайг ч үйлдвэрлэх бүрэн боломжтой. Баяжмалыг ачихын тулд уутны гарцыг тасралтгүй ажиллуулах хэрэгтэй. Үүнд л хамт олон маань сэтгэл нэгдэн ажиллаж байна. Цехийн 100 гаруйхан оёдолчдын гараас ажилчдын дөрвөн улирлын зузаан, нимгэн хувцас, брезентэн бээлий, хөшиг, бүтцийн нэгжүүдийн оёмол бүтээгдэхүүний захиалга тогтмол гардаг гэхэд торох юмгүй биелж байгаа нь бахархмаар. Цар тахлын  үед ч их ажлын зэрэгцээ  350 мянган угааж хэрэглэж болох амны хаалт оёж хүлээлгэн өгсөн. Оны эхний улиралд л гэхэд 1.5 тэрбум орчим төгрөгийн  бүтээгдэхүүн үйлдвэрлэжээ. Дүнгэнэсэн автомат машины чимээнд чих дөжирч, давчдам санагдавч тэдэнд үл сонсдох мэт баясгалантай хөөрөлдөнө. Энэ л хүмүүсийн гарт Эрдэнэт үйлдвэрийн өнгө төрх даатгагдсан гэхэд итгэж болмоор. н.Цэцэгмаа “Цехдээ 14 жил ажиллаж байна. Оёдлын V зэрэгтэй. Бүтцийн цех нэгж болсноос хойш цалин нэмэгдэхээс эхлээд ахуй хангамж сайжирч байгаад баяртай байна. Хүнийг хувцаслана гэдэг хамгийн сайхан ажил шүү дээ” хэмээн ярилаа.      Зөөлөн оёдлын хэсгийн эмэгтэйчүүд цайвар ягаан, баяжмалын уутны хэсэг хөх цэнхэр өнгийн хувцастай. Гадаах шар цэцэгс, ногоон чацаргана, мастеруудын саарал хослол ганган зуны гоёлыг улам ч чимнэ. Эрээн даавуу хөвөрсөөр, их ажил өрнөсөөр л. Тэд энэ удаа ХАБЭА-н хэлтэстэй хамтран ажилчдын хувцасны өнгө, загвар шинэчлэх,  жигдлэх ажилд төвлөрч буй. Бүтэц нэгжээс хамааран инженер техникийн болон ажилчдын ажлын хувцасны өнгө өөр өөр байсан бол энэ удаагийн иж бүрэн шинэчлэлээр бүгд ижил болох ажээ.  Цехийн технологич П.Золзаяа “Материал гүйцэт ирээгүй энэ үед байгаа материалаараа шинэ загварын 90 орчим хувцас хийсэн. Үйлдвэрийн халуун нөхцөлд зориулсан агаар нэвтрүүлдэг, хөлс гадагшлуулдаг 100 хувийн нимгэн даавуун цамц оёж байна. Дэлхийн уул уурхайн жишгийг дагуулан бид улбар шар өнгөөр хувцас урласан” хэмээлээ. Эрдэнэт үйлдвэрийн Оёдлын цех бахархам алдартай, хүндтэй үүрэгтэй. Оёдлын машины хүрд эргэх тоолон энэ үйлдвэрийн бүтээн байгуулалтад оруулж буй тэдний хувь нэмэр шүү гэж бодоход  өмнөөс нь өөрийн эрхгүй сэтгэл догдолж байна. М.Марал Фото: Б.Баттөгс Дэлгэрэнгүй...
  • Засвар механикийн завод хаягдалгүй үйлдвэрлэл бий болгоно

         Засвар механикийн завод нэмэлт бүтээгдэхүүн үйлдвэрлэх, зардал бууруулах хөтөлбөрийн хүрээнд эхний хагас жилд амжилттай ажиллажээ. Энэ онд тус хамт олон 10 төрлийн 3 тэрбум төгрөгийн нэмэлт бүтээгдэхүүн үйлдвэрлэх зорилт дэвшүүлсэн  бөгөөд эхний хагас жилд 1,7 тэрбум төгрөгийн нэмэлт бүтээгдэхүүн үйлдвэрлэсэн байна. Мөн 930 сая төгрөгийн импорт орлох бүтээгдэхүүн үйлдвэрлэн гаргажээ. Заводынхан металл боловсруулалтын хаягдлыг дахин ашиглах онцгой ажил хийж зардал хэмнэх зорилт дэвшүүлсэн байна. Оны эхний хагаст ширмэн бүтээгдэхүүний зоргодсыг дахин ашиглах шийдэлд хүрчээ.  Харин  сүүлийн хагас жилд ган бүтээгдэхүүний зоргодсыг дахин ашиглахаар төлөвлөж, техникийн шийдэл боловсруулж байгаа аж. Үүнийг хэрэгжүүлснээр Засвар механикийн завод хаягдалгүй үйлдвэрлэл бий болгох боломжтой юм.  Я.Энхтуяа Фото: Б.Баттөгс Дэлгэрэнгүй...
  • Эмульсийн тэсрэх бодисын шинэ үйлдвэрийн шав тавилаа

         “Эрдэнэт үйлдвэр” ТӨҮГ-ын  Ил уурхайд Эмульсийн тэсрэх бодисын шинэ үйлдвэрийн шав тавих ёслол өнөөдөр боллоо. Тэсрэх бодисын шинэ үйлдвэр барих ажил нь Эрдэнэт үйлдвэрийг 2031 он хүртэл хөгжүүлэх үндсэн чиглэлд тусгагдсан Ил уурхайн техник технологийн шинэчлэлийн хүрээнд хийгдэх гурван том төслийн нэг юм. Тус цехэд  цахилгаан хангамжийн хүчин чадлыг нэмэгдүүлэх өргөтгөл барьж, мөчлөгт урсгал тээврийн технологи нэвтрүүлэх бол гуравдахь том ажил нь Эмульсийн тэсрэх бодисын шинэ үйлдвэр барьж, ашиглалтад оруулах зорилт хэрэгжинэ. Одоогийн ажиллаж буй Эмульсийн тэсрэх бодисын үйлдвэр нь 1994 онд баригдсан, барилга байгууламж технологийн хувьд хуучирсан тул шинэ үйлдвэр барих шаардлагатай болжээ.      Орчин үеийн технологийн дэвшилтэт технологиор баригдах шинэ үйлдвэр нь жилд 15000 тонн бүтээгдэхүүн үйлдвэрлэх хүчин чадалтай бөгөөд хуучин үйлдвэрээс даруй 5-7 мянган тонноор илүү гэсэн үг юм. Эмульсийн тэсрэх бодисын үйлдвэрийн барилгын ажлыг “Монголиан Инвестмент Корпорэйшн” компани гүйцэтгэнэ. Шав тавих ёслолд “Эрдэнэт үйлдвэр” ТӨҮГ-ын Үйлдвэрийн бодлогын газрын дарга П.Батболор болон Ил уурхайн удирдлага, ажилтнууд, гүйцэтгэгч компанийн төлөөлөл оролцов. Шинээр баригдах үйлдвэрийн барилга байгууламжийг чанартай найдвартай гүйцэтгэж, хөдөлмөрийн аюулгүй байдлын өндөр түвшинд бүтээн байгуулж хүлээлгэн өгнө гэдгээ “Монголиан Инвестмент Корпорэйшн” компанийн ТУЗ-ийн дарга Б.Дөлгөөн нээлтийн үеэр илэрхийллээ.                                                                                                                       М.Балжинням Фото: Ш.Лхамсүрэн Дэлгэрэнгүй...
  • В.АНХБАЯР: Дэд станц, цахилгаан тоног төхөөрөмжүүдийн аянга зайлуулагч хэвийн ажиллаж байна

    Дуу цахилгаантай, аадар бороо ихтэй энэ зуны хувьд Эрдэнэт үйлдвэрийн цахилгаан тоног төхөөрөмжүүдийн аюулгүй байдал хэрхэн хангагдсан талаар Цахилгааны цехийн Цахилгаан техникийн тусгай лабораторийн эрхлэгч  В.Анхбаяртай уулзаж тодрууллаа. -Аянга зайлуулагч гэж юу болох талаар эхлээд та тайлбарлах уу? -Уулын өндөрлөг газар болон дэд станцуудын хажууд байрласан өндөр шонгууд   аянга зайлуулагч гэдгийг хүмүүс мэдэх байх. Мөн давхар агаарын шугам дагуу хамгийн өндөрт байх шугам бол хөндлөн аянга зайлуулагч юм. Өөрөөр хэлбэл аянгын идэвхжлийг хүнээс зайлуулж, өөр дээрээ хүлээж авдаг хүлээн авах, дамжуулах, газардуулах гэсэн бүтэцтэй өндөрт байрлах зүйлийг аянга зайлуулагч гэж нэрлэдэг. Тухайн тоног төхөөрөмж, төмөр хийц нь аянгыг хүлээн авч, газарт тархааж, газардуулдаг. -Эрдэнэт үйлдвэрийн цахилгаан тоног төхөөрөмжүүдийн аюулгүй байдалд танайх хэрхэн хяналт тавьж ажилладаг вэ? -Манай лаборатори Эрдэнэт үйлдвэрийнхээ тоног төхөөрөмжүүдийн аюулгүй байдалд шалгалт хийж, цахилгаанаар ажилладаг бүхий л тоног төхөөрөмжийн газардуулгыг шалгадаг юм. Бид хаврын хуурайшлын үе буюу 3 дугаар сараас 6 дугаар сарын эхэн хүртэл цех нэгжүүдийн газардуулгын хүрээг хэмжиж байна. Ингэхдээ дэд станц, барилга байгууламж, аянга зайлуулагч зэргийг тусад нь хэмждэг юм. Зуны улиралд тоног төхөөрөмжүүдэд нарны халалтын нөлөө их байдаг. Иймээс агаарын шугамын дагуу дэд станцад ил байрлаж байгаа бүх тоног төхөөрөмжүүдэд нил улаан туяаны үзлэг хийдэг. Түүнчлэн Эрчим зүйчдийн санал болгосон нарны дэлгэц зэрэг тоног төхөөрөмжид үзлэг хийж байна. Манай лабораторийн хувьд Төвийн бүсийн барилга байгууламжуудад хэмжилт хийх эрхтэй тул гадны байгууллагууд үйлдвэрийн тогтоосон үнээр хэмжилт туршилт хийлгэх боломжтой. -Энэ жилийн хэмжилтээр зөрчил илрэв үү? -Цахилгаан байгууламжийн газардуулга нь өндөр байсан зарим цех нэгжүүдэд сануулга өгч, зөрчил дутагдлаа арилгасны дараа Эрчим зүйн хэлтэст энэ талаар тайлагнасан. -Түүнийг хэн засах вэ? -Тухайн цехийн барилга байгууламж хариуцсан эрчим зүйчид өөрсдөө засварлаж, угсардаг. Бид нэмэлт электрод зоож газардуулах уу, эсвэл хөрсний эсэргүүцлээ багасгах уу гэсэн асуудалд мэргэжлийн зүгээс арга зүйн зөвлөгөө өгч ажиллаж байна. -Ингэхэд манай үйлдвэрийн аянга зайлуулагчийн найдвартай ажиллагаа ямар түвшинд байдаг вэ? -Бараг 95 хувь нь найдвартай, дэд станц, тоног төхөөрөмжүүдийн аянга зайлуулагч хэвийн ажиллаж байна. -Аянга зайлуулагч ямар зайнд аюулгүй байдлыг бий болгодог вэ? -Хийц бүтээцээсээ хамаарч харилцан ялгаатай байдаг. Өндөр байх тусмаа л хамгаалах тойргийн радиус их байна гэсэн үг. Хос шонт болон нэг шонт аянга зайлуулагч гэж бий.  Нэг шонт аянга зайлуулагчийн газрын хөрснөөс дээрх өндрийн хэмжээ хамгаалалтын эхний цэг болно гэсэн үг. Энэ нь хамгийн өндөр цэгээс хааш хаашаа 45 градусын  эргэн тойрон дахь газрыг аянгаас хамгаалж чаддаг. -Энэ жил аянга, цахилгаантай бороо их орж байна. Төвөөс алслагдсан газрууд аянга цахилгаанаас хамгаалахын тулд ер нь ямар арга хэмжээ авбал зүйтэй вэ? -Манай дэд станцуудын зарим нь Эрдэнэт хотоос 60 км-ийн цаана байна. Хүний төвлөрлөөс хол учраас тухайн үеийн газардуулгын эсэргүүцлийн норм өндөр. Стандарт дүрэмд  30 ОМ байхаар  заасан байдаг. Энэ стандартаар  төв суурингаас хол байгаа  аж ахуйн нэгжүүд барилга байгууламждаа  дүрмийн дагуу гар хийцийн аянга зайлуулагч хийж болно. Жишээ нь, газрын хөрсийг 70-80 см ухаж,  2,5 м төмөр зэс, хөнгөн цагаан электродыг хамгийн багадаа 3-4 ширхэг зоож, хооронд нь холбосноор цахилгаан байгууламжийн  газардуулга хийх боломжтой. Түүнийгээ аль болох өндөр цэгт гаргаж тавибал аянга зайлуулагч буюу хүлээн авагч болдог. -Манай үйлдвэрийн хэмжээнд  аянга цахилгаанд өртсөн тохиолдол байдаг уу? -Эрдэнэт хотыг усаар хангадаг агуулах буюу усан санд энэ зун аянга буусан.  Сүүлийн 3 жилд болсон анхны тохиолдол. Аянга бууснаар трансформаторын нэг кабель, агаарын шугамын утас тасарсан. Гэхдээ манайхан цаг тухайд нь арга хэмжээ авч, засвар үйлчилгээ хийснээр үйл ажиллагааг нь хэвийн болгосон.  Я.Энхтуяа     Дэлгэрэнгүй...
  • Өнөөдөр 07 дугаар сарын 31

    Мэдүүштэй... 1. Өнөөдөр жилийн 212дахь өдөр. Он дуусахад 153 хоног үлдлээ.                 2. Эрдэнэт хотод агаарын хэм өдөртөө +23градус, шөнөдөө +13 градус дулаан,бороотой, салхины хурд 4-7м/сек байна. (Эх сурвалж: www.tsag-agaar.gov.mn) 3. Аргын тооллын 7 дугаар сарын 31.Сугар гараг. Билгийн тооллын 12.Хөхөгчин гахай өдөр. Өдрийн наран 5цаг 27 минутад мандан, 20цаг 28 минутад жаргана. Тухайн өдөр гахай, бич, тахиа жилтнээ аливаа үйлийг хийхэд эерэг сайнбамогой, бар, туулайжилтнээ сөрөг муунөлөөтэй тул аливаа үйлд хянамгай хандаж, биеэ энхрийлүүштэй.Эл өдөр Шүтээн босгох, тушаал, зарлиг гаргах, хөрөнгө оруулах, лам болох, эм найруулах, хурим хийх, эрдэм сурах, үхэгсдийн үйл, номын хурим, лам хуврага болох, гөлөг тэжээх, баясгалангийн хурим, шинэ хувцас өмсөх, чимэг зүүх, бүжиг наадам үйлдэхэд сайн. Мод таслах, газар малтах, эд хөрөнгө зээлдүүлэх, нэхэх, нүүдэл хийх, замд гарах, мал адгуус худалдан авахад муу.Өдрийн сайн цаг нь гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.Хол газар явагсад урд зүгт мөрөө гаргавал зохистой.Үс шинээр үргээлгэх буюу засуулахад өвчин эмгэг ирэх муу тул цээрлэвэл зохино. 4. Монгол банкны энэ өдрийн нэрлэсэн ханшаар АНУ-ын доллар 2844евро 3344, БНХАУ-ын юань 406, ОХУ-ын рубль 39, Японы иен 26, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn) 5.Дэлхийн зах зээл дээр нэг тонн зэс 6433 ам.долларын ханштай байна. (Эх сурвалж: www.lme.com)     Эрдэнэт үйлдвэрийн түүхэнд энэ сард... 1988 оны 07 дугаар сар Эрдэнэт хотод ЗХУ-ын тусламжаар барих эсгий, эсгий гутлын үйлдвэрийн суурь тавих ёслолын ажиллагаа болов. 1991 оны 07 дугаар сар БНМАУ-ын Засгийн газрын дэргэдэх Соёл урлагийн хөгжлийн хороо, Эрдэнэт хотын Ардын хурлын Гүйцэтгэх захиргаа, Монгол-Оросын хамтарсан уулын баяжуулах “Эрдэнэт” үйлдвэрийн хамтарсан шийдвэрээр “Уурхайчин” соёлын ордны дэргэдэх хүүхэлдэйн “Ардын театр”-ыг мэргэжлийн “Хүүхэлдэйн театр” болгон өөрчилжээ. 1996 оны 07 дугаар сар Монгол-Оросын хамтарсан уул уурхайн баяжуулах “Эрдэнэт” үйлдвэрийн Ерөнхий захирал Ш.Отгонбилэгт Монгол Улсын Хөдөлмөрийн баатар цол олгож, Сүхбаатарын одон, “Алтан соёмбо” тэмдгээр шагнажээ. Дэлгэрэнгүй...
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
Нэвтрүүлэг

“Эрдэнэт үйлдвэр” ТӨҮГ-ын удирдлагуудын ээлжит шуурхай зөвлөгөөн өнөөдөр боллоо. Уурхайчид нэгдүгээр улирлын үйлдвэрлэлийн төлөвлөгөөгөө 100 давсан хувиар биелүүлсний үр дүнд санхүү, эдийн засгийн үзүүлэлт эерэг гарчээ. Хэдийгээр дэлхийн зах зээл дээр зэсийн үнэ огцом унаж, нэгдүгээр улирлын дунджаар, Эрдэнэт үйлдвэрийн төлөвлөснөөс даруй 5,9 хувиар бага байсан ч нийт борлуулалтын орлогын төлөвлөгөөг 1,7 хувь давуулан биелүүлсэн байна. Мөн зардлын төлөвлөлтийг 2,7 хувиар бууруулж ажилласнаар цэвэр ашгийн төлөвлөгөөг 28,2 хувиар давуулан биелүүлсэн амжилттай ажиллажээ. Түүнээс гадна үйлдвэрлэсэн бүтээгдэхүүн 3,9 хувиар өссөн байна.

Үйлдвэрлэлийн үйл ажиллагаа өнөөдөр хэвийн үргэлжилж байгаа ч цаашид нормчлогдсон материалын нийлүүлэлтийг яаравчлахгүй бол үйлдвэрлэл хязгаарлагдах дүр зураг ажиглагдаж байгааг Баяжуулах үйлдвэрийн дарга М.Отгон сануулсан. Түүнээс гадна Эрдэнэт үйлдвэрийн Ерөнхий захирал Х.Бадамсүрэн, Ил уурхайд Тэсрэх бодисын үйлдвэр барих, Мөчлөгт урсгалт тээврийн технологи нэвтрүүлэх, усны шугам хоолой шинэчлэх ажлыг эрчимжүүлэх, уусган баяжуулах технологиор исэлдсэн хүдэр боловсруулах, зэсийн баяжмал хайлуулах, боловсруулах үйлдвэр барих төслийн ажилд ахиц гаргахыг холбогдох албаны хүмүүст үүрэг болгов.    

М.Одгэрэл

Б.Баттөгс

 
Дэлхийн зах зээл дээр зэсийн үнэ ханш унаж байгаатай холбогдуулан Эрдэнэт үйлдвэр эдийн засгийн хямралын эсрэг хэмнэлтийн бодлого хэрэгжүүлж байна. Үүний дагуу Баяжуулах үйлдвэр ямар төлөвлөгөөтэй ажиллаж, нэмэлт бүтээгдэхүүн үйлдвэрлэл хэрхэн хийгдэж буй талаар тус цехийн дарга М.Отгоноос тодрууллаа.   
 
 
-Баяжуулах үйлдвэр хэмнэлтийн бодлогын ямар төлөвлөгөөтэй ажиллаж байна?  
-Бид өртөг зардал бууруулах ажлын төлөвлөгөө гаргасан. Төлөвлөгөөний дагуу энэ онд есөн тэрбум төгрөгийн зардал бууруулж ажиллана. Эхний улирлын байдлаар бид 3,2 тэрбум төгрөгийн өртөг зардал бууруулсан.
-Нэмэлт бүтээгдэхүүн үйлдвэрлэх даалгавраа хэрхэн биелүүлж байна вэ?    
-Нэмэлт бүтээгдэхүүн үйлдвэрлэх чиглэлээр олон ажил, арга хэмжээ зохион байгуулж байна. Өнгөрсөн сард бид Нунтаглан баяжуулах хэсэг дээр дөрөвдүгээр тээрмийг хугацаанаас нь 300 цагийн өмнө ашиглалтад оруулснаар нэмэлт бүтээгдэхүүн үйлдвэрлэх боломж бүрдүүллээ. Өнгөрсөн долоо хоногт, Өөрөө нунтаглах хэсэг дээр хүдэр нунтаглалтын гуравдугаар шугам засварт орж, зогссон. Бид  ажлын цаг ашиглалтыг сайжруулан, удирдлага зохион байгуулалтыг нэмэгдүүлж, механикжсан багаж хэрэгслүүд ашиглан, амралтын өдрүүдэд ажиллах нэмэлт бригад зохион байгуулсны үндсэн дээр гурван өдрийн өмнө тээрмийг залгалаа. Энэ  мэтчилэн бид жижиг гэлтгүй бүх тоног төхөөрөмжүүдийн ажиллах цагийг уртасгаж, засварын цагийг богиносгосны үр дүнд нэмэлт бүтээгдэхүүн үйлдвэрлэх нөхцөл бүрдүүлэн ажиллаж байна. 
-Үйлдвэрлэлийн төлөвлөгөөний биелэлт ямар байгаа вэ? 
-Бид энэ жил 32.3 сая тонн хүдэр боловсруулах төлөвлөгөөтэй. Эдийн засгийн хямралын эсрэг нэмэлт бүтээгдэхүүн үйлдвэрлэх даалгаврын дагуу төлөвлөгөөнөөс илүү 300 мянган тонн хүдэр боловсруулах чиглэл өгсөн. Нэгдүгээр улиралд төлөвлөгөөнөөс 120 орчим мянган тонн хүдэр илүү боловсрууллаа. Цаашид хөдөлмөр зохион байгуулалтыг сайжруулж, нэмэлт бүтээгдэхүүн, хүдэр боловсруулах ажлыг эрчимжүүлнэ. 
-Хөрөнгө оруулалтын ажлууд эхэлсэн үү?  
-Дөрөвдүгээр сарын нэгнээс эхлээд явж байна. Энэ жилийн томоохон ажлын нэг болох Өөрөө нунтаглах хэсгийн дөрөвдүгээр шугамын барилгын шавыг саяхан тавилаа. Үүнтэй холбоотой инженер, геологийн судалгааны ажил хийгдэж байна. Барилгын суурийн зургууд эхний байдлаар ирсэн. Мэргэжлийн хүмүүс үзэж дүгнэлт гаргана. Байгаль орчны нөлөөллийн үнэлгээ хийлгэнэ. Тавдугаар сарын дунд үеэс газар шороо, барилгын ажил эхэлнэ. Мөн энэ жил хийгдэх бас нэгэн томоохон ажил нь хам баяжуулалтын тавдугаар секцийг 12 сая тонны хүчин чадалтай болгон өргөтгөх юм. Энэ ажлын техникийн тодорхойлолт боловсруулагдсан, үнэлгээний хороо байгуулагдсан, тендер зарлах шатанд явж байна. Бид 2020 оны хоёрдугаар улиралд багтаан энэ ажлыг гүйцэтгэхээр нарийн төлөвлөгөө гарган шахаж ажиллаж байна.
-Баярлалаа. Амжилт хүсье.  
М.Одгэрэл
Фото: Б.Баттөгс
Бүлэг Ярилцлага

Эрдэнэт үйлдвэрийн Тээвэр ложистикийн төв хоёр цех нэгдэн өргөжсөнтэй холбоотойгоор зүтгүүрийн депогийн ажилчдын хоолны газрыг өргөтгөн ашиглалтад орууллаа. Өмнө нь тус цехийн ажилтнууд зөөврийн болон  Ерөнхий захиргааны нэгдүгээр байр, Засвар механикийн заводын хоолны цэгүүдэд үдийн хоолоор үйлчлүүлдэг байв. Харин өнөөдрөөс, цехийн 200 орчим ажилтан өөрийн байранд халуун хоолны үйлчилгээ авах боломжтой боллоо. Энд “Хаан хүнс” компанийн 7 дугаар салбар нээгдэж, өдөр тутам халуун хоолоор үйлчлэх аж. Ингэснээр ажилчдын эрүүл мэнд болон эрүүл ахуйн аюулгүй байдалд эерэг нөлөө үзүүлнэ. Ажлын байрны нөхцөл сайжруулсан хөрөнгө оруулалтын ажилд 240 орчим сая төгрөг зарцуулжээ. Мөн энэ үеэр “Эрдэнэт” сувиллын цогцолбор, “Хаан хүнс” компанийн салбар хамтран дархлаа дэмжих өдөрлөг зохион байгуулж, амин дэмийн ундаагаар ажилчдад үйлчлэв. Тус үйл ажиллагаанд Орхон эм хангамжийн газрынхан нэгдэж, бүх төрлийн амин дэмийн бүтээгдэхүүнээ 10 хувиар хөнгөлөлттэй олгож буйг танилцууллаа.     

М.Балжинням

Даваа гараг бүр болдог “Эрдэнэт үйлдвэр” ТӨҮГ-ын удирдлагуудын шуурхай хуралдаан өнөөдөр шагнал гардуулах ёслолоор эхэллээ. Эрдэс баялгийн нөөц өсгөх геологи, хайгуулын ажлыг мэргэжлийн өндөр түвшинд удирдан зохион байгуулж, Эрдэнэт үйлдвэрийн насыг уртасгахад өөрийн мэдлэг оюун, сэтгэл зүтгэлээ бүрэн зориулж ажилласан Геологи, хайгуулын экспедицийн дарга М.Дамдинсүрэнг 116 м2 талбай бүхий таун хаусаар шагнасан батламжийг гардуулав. Мөн хөдөлмөрийн хамт олноо манлайлан, ажлын байрандаа шинэ санаачилга нэвтрүүлэн үр бүтээлтэй ажилласан Дулааны цахилгаан станцын Түлш дамжуулах хэсгийн конвейрийн машинч Г.Мөнхнастад “Эко хороолол”-ын 64 м2 талбай бүхий хаусны түлхүүр гардуулсан юм.

Эрдэнэт үйлдвэрийн Геологи, хайгуулын экспедицийн дарга М.Дамдинсүрэн нь геологийн салбарт 25 жил ажиллах хугацаандаа Улаанбаатар экспедицийн хайгуулын гуравдугаар ангид ажиллаж Таван толгойн нөөц тогтоохоос ажлын гараагаа эхэлж, Монголросцветмет нэгдлийн харьяа Заамар дахь шижир алтны уурхайн суурийг тавилцаж, анхны алт олборлолтыг удирдсан юм. “Эрдэнэт үйлдвэр” ТӨҮГ-т 18 ажил ажиллахдаа “Эрдэнэтийн-Овоо”-ны баруун хойд болон төвийн хэсгийн ашиглалтын хайгуул, газрын гүний ус, хүдрийн биетийн нөөцийн ашиглалтын хайгуулын ажлуудыг гардан зохион байгуулсан. Мөн хайгуулын цооногийн мэдээллийн 50 мянга гаруй бичиглэлтэй өгөгдлийн санг Улсын нөөцийн санд бүртгүүлж батлуулах, үйлдвэрлэлд нэвтрүүлэх ажлыг удирджээ. “Эрдэнэтийн-Овоо” ордын төвийн хэсгийн нөөцийн тайланг 2013, баруун болон төвийн хэсгийн нөөцийн тайланг 2016 онд хийж, Эрдэс баялгийн мэргэжлийн зөвлөлөөр оруулж хамгаалсан нь үйлдвэрийн насжилтыг даруй 40 жилээр нэмэгдүүлсэн юм. Түүнээс гадна 2017-2019 онд хийсэн хайгуулын ажлууд нь уурхайн хүдрийн нөөцийг 20 жилээр өсгөж, Эрдэнэт үйлдвэрийн насжилт жарнаар хэмжигдэх болсон нь Геологи, хайгуулын экспедицийн удирдлага зохион байгуулалттай шууд холбоотой гэж үйлдвэрийн газрын удирдлагууд үзжээ.

Харин ДЦС-ын Түлш дамжуулах хэсгийн тэргүүний ажилтан, шинийг санаачлагч Г.Мөнхнаст нь 2006, 2018 оны Хөдөлмөрийн аварга бөгөөд 2012 онд “Уурхайчны алдар” алтан медаль, 2016 онд “Эрчим хүчний Тэргүүний ажилтан” цол тэмдэг хүртсэн Эрдэнэт үйлдвэрийн шилдэг ажилчин юм.

Оны өмнөхөн Эрдэнэт үйлдвэр 15-аас дээш жил тогтвор суурьшилтай, үр бүтээлтэй ажиллаж буй шилдэг найман ажилтандаа хоёр давхар таун хаусаар бэлэг барьж байсан бол энэ удаа дахин хоёр ажилтнаа орон сууцаар ийнхүү шагналаа.

М.Одгэрэл

Фото: Б.Баттөгс

Дөрөвдүгээр сар гарсаар Эрдэнэт үйлдвэрийн үйлдвэрлэлийн төлөвлөгөө өндөр хувиар биелж байна. Сарын эхний 10 хоногт уурхайчид 668.7 мянган метр куб уулын цул гаргаж, төлөвлөгөө 100.7 хувиар, 283.6 мянган метр куб хөрс хуулж, төлөвлөгөө 101.3 хувиар тус тус биелжээ. Хүдэр олборлолтын гүйцэтгэл 978,3 мянган тонн буюу төлөвлөгөөний биелэлт 99.9 хувьтай байна. Баяжуулагчид сарын эхний 10 хоногийн байдлаар 846.3 мянган тонн хүдэр боловсруулж, төлөвлөгөөг 110.2 хувиар биелүүллээ. Энэ хугацаанд хүдэр дэх зэсийн агуулга 0.472 хувь, молибдены агуулга 0.0194 хувь  буюу төлөвлөгөөний биелэлт 102-125 хувьтай гарчээ. Зэсийн металл авалтын төлөвлөгөө 100.2 хувиар, молибдены төлөвлөгөө 105.9 хувиар биелж, баяжмал дахь зэс 3498 тонн, молибден 84.3 тонн буюу төлөвлөгөөний үзүүлэлт 113-146 хувийн биелэлттэй байна. Эхний 10 хоногт уурхайчид хуурай жингээр 15806 тонн зэсийн баяжмал ачуулав. Ачигдсан зэсийн баяжмалын чанар 22.42 хувь буюу төлөвлөгөө 101.9 хувиар, молибдены баяжмалын чанар 49,64 хувь буюу 103.4 хувиар тус тус биелснийг Үйлдвэрлэлийн хэлтсээс мэдээллээ.  

М.Балжинням

Фото: Б.Баттөгс

Даваа, 13 4-р сар 2020 00:00

Өнөөдөр 04 дүгээр сарын 13

Мэдүүштэй...

1.Өнөөдөр жилийн 104 дэх өдөр. Он дуусахад 261 хоног үлдлээ.

2.Эрдэнэт хотод агаарын хэм өдөртөө +12 градус дулаан, шөнөдөө 0-2 градус хүйтэн, ялимгүй хур тунадастай, салхины хурд 5-7 м/сек байна.

3.Аргын тооллын 4 сарын 13. Сумьяа гараг. Билгийн тооллын 21. Улаан нохой өдөр. Өдрийн наран 6 цаг 06 минутад мандаж, 19 цаг 39 минутад жаргана. Энэ өдөр морь, бар, нохой жилтнээ аливаа үйлийг хийхэд эерэг сайн ба луу жилтнээ сөрөг муунөлөөтэй тул элдэв үйлд хянамгай хандаж, биеэ энхрийлүүштэй. Тариалан тарих, сан тавих, хишиг даллага авах, лус ба тэнгэр тахих, хөрөнгө исгэх, архи нэрэх, сүм хийд босгох, хурим хийх, гэр байшин барих, хот байгуулах, хөлсний ажилчин авах, урлах үйлд суралцах, чуулган хийх, бурханд залбирах, ан гөрөө хийх, насны хүчийг арвижуулах, эм найруулах, усан засал, худалдаа наймаа хийхэд сайн. Бэрийн үйл, ашиг тустай үйл, нүүдэл, хэрүүл хийх, цэрэгт мордох, нохой тэжээх, эхэлж ном сонсох, хол замд гарах, шинэ хувцас өмсөх, эд юм өгөхөд муу. Өдрийн сайн цаг нь луу (07:40-09:40), могой (09:40-11:40), бич (15:40-17:40), тахиа (17:40-19:40),  гахай (21:40-23:40), бар (03:40-05:40) болой. Хол замд гарах хүмүүс баруун урд зүг рүүмөрөө гаргавал зохистой.Үс шинээр үргээлгэх буюу засуулахадөвчин тусах муу.

4.Дэлхийн зах зээл дээр нэг тонн зэс 4963.50 ам.долларын ханштай байна. (Эх сурвалж: www.lme.com)

5.Монгол банкны энэ өдрийн нэрлэсэн ханшаар АНУ-ын доллар 2781, евро 3025, БНХАУ-ын юань 394, ОХУ-ын рубль 37, Японы иен 25 төгрөгтэй тэнцэж байна.

Эрдэнэт үйлдвэрийн түүхэнд энэ сар...

1986 оны 4-р сар

  • Эрдэнэт хотын АДХ-ын Гүйцэтгэх захиргааны 32 дугаар тогтоолоор Эрдэнэт хотын Нэгдсэн эмнэлгийн төрөх тасгийн дэргэд “Шинэ иргэний ёслолын танхим” байгуулжээ.

1989 оны 4-р сар

  • БНМАУ-ын “Комплекс импорт” нэгдэл, ЗХУ-ын “Тяжпромэкспор” нэгдлийн хооронд “Эрдэнэт” үйлдвэрийн хүчин чадлыг 20 сая тоннд хүргэх өргөтгөлийн ажлыг хийж гүйцэтгэх эцсийн шатны гэрээ байгуулав.
  • Монгол-Зөвлөлтийн хамтарсан уулын баяжуулах Эрдэнэт үйлдвэр сая дахь тонн зэсийн баяжмалаа шөнийн 03:00 цагт гаргав.
  • МАХН-ын Төв хорооны Ерөнхий нарийн бичгийн дарга, БНМАУ-ын АИХТ-ийн дарга Ж.Батмөнх Эрдэнэт хотод зочилж, ажил байдалтай нь танилцав.

1991 оны 4-р сар

  • Эрдэнэт үйлдвэрийг байгуулах тухай 1973 оны хэлэлцээрүүдийг шинэчлэх асуудлаар Зөвлөлтийн талтай хийсэн уулзалт, ярианы дүнг Засгийн газрын хуралдаанаар хэлэлцэв.

2020 оны 4-р сарын 13

  • Эрдэнэт үйлдвэрийн Өнөөгийн Эрдэнэт сонины 800 дахь дугаар хэвлэгдэн гарлаа.

Мэдээний төрөл

Календарь

« 4-р сар 2020 »
Да Мя Лх Пү Ба Бя Ня
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Зургийн цомог