• Улсын баяр наадмын өмнө уурхайчдаа урамшуулна

         Онцгой дэглэмд, өндөржүүлсэн бэлэн байдалтай ажиллаж байгаа Эрдэнэт үйлдвэрийн удирдлагуудын өргөтгөсөн шуурхай хуралдаан өнөөдөр болж, Ерөнхий захирал Х.Бадамсүрэн оны эхний хагас жилийн үйлдвэрлэлийн төлөвлөгөөний бүх үзүүлэлтээ 100.1-120.1 хувиар биелүүлж амжилттай ажилласан уурхайчдадаа Улсын баяр наадмын өмнө урамшуулал олгохоо мэдэгдлээ. “Хэдийгээр, коронавирусын халдвараас шалтгаалан төлөвлөөгүй нөхцөл байдал үүссэн ч Эрдэнэт үйлдвэрийн баялаг бүтээгчид хорио цээрийн хязгаарлагдмал орчинд үйлдвэрлэлээ хэвийн үргэлжлүүлж, оны эхний хагас жилийн байдлаар улс, орон нутгийн төсөвт 274 тэрбум төгрөг төвлөрүүлсэн нь том амжилт юм. Дэлхийн зах зээл дээр зэсийн үнэ унаж, эдийн засгийн хямрал нүүрлэсэн хүнд цаг үед Эрдэнэт үйлдвэрийн удирдлага, хамт олон нэгэн зүгт харж, ёс зүйтэй, эв нэгдэлтэй, эмх цэгцтэй, эрхэлсэн ажилдаа эзэн болж ажилласны үр дүн” гэж Ерөнхий захирал онцоллоо. Оны эхний хагас жилийн үйлдвэрлэлийн төлөвлөгөө нэр төрөл бүрээр ийнхүү давж биелсэн нь борлуулалтын орлого болон цэвэр ашгийн төлөвлөгөө дагаж өсөх санхүү, эдийн засгийн таатай нөхцөлийг бүрдүүлжээ.      Тасралтгүй ажиллагаатай Эрдэнэт үйлдвэр жилд нэг удаа бүрэн зогсож их засвар хийдэг. Энэ жилийн “их зогсолт” долдугаар сарын 31-ний 20.00 цагаас эхэлж 48 цаг үргэлжлэх бөгөөд үүнд хэрхэн бэлтгэж байгаа талаараа цехийн дарга нар мэдээлэл хийсэн. Үйлдвэрийн газрын удирдлагын зүгээс бүтцийн нэгжийн дарга нарт 2021 оны бизнес төлөвлөгөөнд саналаа өгөх, 2020 оны хөрөнгө оруулалтаар хийгдэх Ил уурхайд мөчлөгт урсгалт тээврийн технологи нэвтрүүлэх, Баяжуулах үйлдвэрийг өргөтгөх, шинэчлэх, Тэсрэх бодисын үйлдвэр барих, Орхон аймагтай хамтын ажиллагааны хүрээнд дулааны шугам татах зэрэг бүтээн байгуулалтын ажлыг эрчимжүүлэх, өвлийн бэлтгэлийг ханган ажиллах чиглэлээр тодорхой үүрэг өглөө.  М.ОДГЭРЭЛ Б.БАТТӨГС Дэлгэрэнгүй...
  • Хийн үлээгүүрийн машин суурилууллаа

         2020 оны техник шинэчлэлийн хүрээнд Баяжуулах үйлдвэрийн үндсэн технологийн хэрэгцээний агаар шахах зориулалттай, Франц улсад үйлдвэрлэсэн “BLOWER 800” төрлийн хийн үлээгүүрийн машины угсралт,  суурилуулалтын ажлыг Баяжуулах үйлдвэр, Засвар угсралтын болон Цахилгаан цехийн хамт олон гүйцэтгэв. Уг машин ашиглалтад орсноор хуучин хийн үлээгүүрийн машинаас хүчин чадал хоёр дахин нэмэгдэж, баяжуулалтын процесст өгөх агаарын хэмжээг ихэсгэж байгаа юм. Мөн асаалт тохируулгын ажлыг Герман улсын мэргэжилтнүүдтэй хамтран  мэдээллийн сүлжээ ашиглан хийх ажээ.                                                                                                                         Т.Батчулуун   Дэлгэрэнгүй...
  • Ш.Болд: Хийн үлээгүүрийн машины туршилт эхэллээ

    Баяжуулах үйлдвэрийн техникийн шинэчлэлийн хүрээнд  Дулаан агааржуулалтын хэсэгт хийн үлээгүүрийн машин  шинэчлэх ажил явагдаж байгаа. Энэхүү шинэчлэлийн  явцын талаар тус хэсгийн дарга Ш.Болдоос тодрууллаа. Хийн үлээгүүрийн машиныг яагаад шинэчлэх болов?       Хосолмол секцийн үед тавигдсан хуучин машин маань 18 жил  үндсэн үүргээ биелүүлсэн. Хүчин чадлыг нэмэгдүүлэх шаардлагын үүднээс  шинэчлэл хийж байна. Бид  хийн үлээгүүрийн 171-р машины хүчин чадлыг хоёр дахин өсгөж  Францын Continental industrie фирмийн, Blower type-700.05маркийн агаар үлээх машинаар сольж байна. Энэ нь Францын Лион хотод үйлдвэрлэсэн энэ чиглэлийн  дэлхийн шилдэг үйлдвэрийн бүтээгдэхүүн юм. Уг машины угсралт одоо ямар түвшинд явна?      Үйлдвэрийн Ерөнхий инженерийн баталсан төлөвлөгөөний дагуу угсралтын ажил энэ оны дөрөвдүгээр  сарын сүүлчээр эхэлсэн. Бид долдугаар сарын нэгэнд угсралтын ажлаа дууслаа.  Continental Industrie фирмийн шиф инженертэй Италиас холбогдож онлайнаар тохируулга,  туршилт  хийж байна. Технологийн горимд ажиллуулан туршиж, хэвийн байвал ашиглалтад хүлээн авна. Тохируулгын ажилд нийлүүлэгч компани болох “Рэйнж интернешнл” ХХК-ийн  мэргэжилтнүүд, Баяжуулах үйлдвэрийн Засварын болон  Цахилгаан хөтлүүр автоматикийн хэсгийн мэргэжилтнүүд оролцож байна. Хийн үлээгүүрийн машин суурилуулах нь  ямар ач холбогдолтой вэ?      Нэгд, технологийн процессын удирдлага боловсронгуй болж хүчин чадал нэмэгдэнэ. Агаар хүлээн  авалт, хуваарилалт жигд болж, хөвүүлэн баяжуулах машины хэвийн ажиллагааг хангана. Агаарын даралтыг тооцсон хэмжээнд барьж, баяжуулах машины хөөсөн бөмбөлөг жигд барьснаар технологийн процессын давуу талыг өсгөнө. Хоёрдугаарт, цахилгаан эрчим хүчний хэмнэлттэй. Энэхүү хийн машины нэг давуу тал  нь их бие болон татах, шахах хоолойдоо дуу намсгагчтай, шуугианы хамгаалалттай, хөргөлтийн системтэй. Иймээс  ажлын байрны чимээ, шуугиан зөвшөөрөгдөх хэмжээнд хүртэл буурна. Баяжуулалтын 5-р ээлжийн өргөтгөл шинэчлэлийн бэлтгэл ажил хангагдаж байна гэж хэлж болно. Эдийн засгийн  хэмнэлт гарах уу?       Зэс молибдены баяжуулалтад чухал нөлөөтэй технологийн процесс жигдрэх,  цахилгаан эрчим хүчний зарцуулалт бага зэргээс хөрөнгө мөнгө хэмнэх боломж бий.   Шинэ тоног төхөөрөмжүүдийн угсралт, суурилуулалтыг хаанахын ажилчид гүйцэтгэв?       Угсралт тохируулгын томоохон  ажлыг Төслийн менежментийн хэлтэс, Засвар угсралтын  цех, Барилга засварын цех, Цахилгаан цех, Баяжуулах үйлдвэрийн Эрчим зүйн алба, Дулаан агааржуулалтын хэсэг, Цахилгаан хөтлүүр автоматикийн хэсэг  оролцож төлөвлөсөн хугацаанд чанартай мэргэжлийн өндөр түвшинд гүйцэтгэлээ.  Үндэсний чадварлаг мэргэжилтнүүдээрээ бид бахархаж байна.                                                                                                                                 Я.Энхтуяа Фото: Б.Баттөгс Дэлгэрэнгүй...
  • Өнөөдөр 07 дугаар сарын 06

    Мэдүүштэй... 1. Өнөөдөр жилийн 187 дахь өдөр. Он дуусахад 178 хоног үлдлээ. 2. Эрдэнэт хотод агаарын хэм өдөртөө +26 градус, шөнөдөө +13 градус дулаан, бага зэргийн бороотой, салхины хурд 5-6 м/сек байна. 3. Аргын тооллын 7 дугаар сарын 06. Сумъяа гараг. Билгийн тооллын 16. Цагаан нохой өдөр. Өдрийн наран 5цаг 01 минутад мандан, 20 цаг 53 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийхэд муу. Өдрийн сайн цаг нь бар (03:40-05:40),луу (07:40-09:40), могой (09:40-11:40), бич (15:40-17:40), тахиа (17:40-19:40), гахай (21:40-23:40) болой. Хол замд явах хүмүүс хойш мөрөө гаргавал зохистой.Бага халуун болох улирал 23 цаг 42 минутад эхэлнэ. Үс шинээр үргээлгэх буюу засуулахад тохиромжгүй. 4. Монгол банкны энэ өдрийн нэрлэсэн ханшаар АНУ-ын доллар 2826, евро 3188, БНХАУ-ын юань 400, ОХУ-ын рубль 40, Японы иен 26, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn) 5.Дэлхийн зах зээл дээр нэг тонн зэс 6022 ам.долларын ханштай байна. (Эх сурвалж: www.lme.com)     Эрдэнэт үйлдвэрийн түүхэнд энэ сард... 1969 оны 07 дугаар сар Улаанбаатар хотод Политехникийн дээд сургууль байгуулагдав. 1970 оны 07 дугаар сар ЭЗХТЗ-ийн Гүйцэтгэх хорооны XXV чуулганаас ЭЗХТЗ-ийн гишүүн орнуудын социалист эдийн засгийн интеграцийн цогцолбор программыг баталжээ. 1972 оны 07 дугаар сар “Эрдэнэтийн-Овоо”-ны ордыг ашиглан техник, эдийн засгийн үндэслэлийг батлуулахаар А.Б.Поливин тэргүүтэй Зөвлөлтийн мэргэжилтний хэсэг Улаанбаатарт иржээ.   Дэлгэрэнгүй...
  • Их засварын ажлын гүйцэтгэл 60 хувийн биелэлттэй явж байна

         Баяжуулах үйлдвэрийн үндсэн тоног төхөөрөмжүүд хэвийн ажиллаж, үйлдвэрлэлийн төлөвлөгөөт үзүүлэлтүүдийг эхний хагас жилд 100-аас дээш хувиар давуулан биелүүлэв. Төлөвлөгөөт ажлын хугацаанд Нунтаглан баяжуулах хэсэгт SIEMENS үйлдвэрийн 20/5 тн-ын даацтай гүүрэн кран шинээр суурилуулсан бөгөөд Өөрөө нунтаглах хэсгийн МШЦ5,5*6,5М тээрмийг  шинэчлэн сольжээ. Энэ онд хийх үндсэн тоног төхөөрөмжийн 16 их засварын ажлын гүйцэтгэл 60 хувийн биелэлттэй явж байна. Үүнээс гадна Баяжуулах үйлдвэрийн хэмжээнд их зогсолтоор хийгдэх 104 ажлын жагсаалт батлагджээ. Үүний 66 ажлыг Баяжуулах үйлдвэрийн хамт олон өөрсдийн дотоод нөөц боломжоо ашиглан хийх аж. Түүнчлэн шаардлагатай тоног төхөөрөмж,сэлбэг хэрэгслийг нийлүүлсэн бөгөөд 33 ажлыг Засвар угсралтын цехийн хамт олон, таван ажлыг Барилга угсралтын цех тус тус гүйцэтгэхээр бэлтгэл ажлаа хангаад байна. 2020 оны  II хагас жилд МШЦ3.2х4.5 тээрмийн болон  Туузан дамжуулгын их засвар, ШХХ-ийн молибдений өтгөрүүлэгчийг шинэчлэн солих зэрэг томоохон ажил хийгдэнэ.                                                                                                                                    Т.Батчулуун Фото: Б.Баттөгс Дэлгэрэнгүй...
  • Эрдэнэт үйлдвэр уул уурхайн салбарт анхны дижитал музей байгуулж байна

         Уул уурхайн жишиг үйлдвэр “Эрдэнэт үйлдвэр” ТӨҮГ Монгол Улсын  уул уурхайн салбарын онцлог, өөрийн үйлдвэрийн газрын үйл ажиллагааг олон нийтэд сурталчлан таниулах зорилгоор дижитал музей байгуулах ажлыг эхлүүлсэн.      Тус музейн бүтээн байгуулалт, ажлын явцтай  Эрдэнэт үйлдвэрийн Ерөнхий захирал Х.Бадамсүрэн тэргүүтэй удирдлагууд өнөөдөр танилцлаа. Дижитал музей нь Монголын уул уурхайн салбарын түүхэн хөгжлийн танхим, цахим мэдээллийн танхим, Эрдэнэт үйлдвэрийн түүхэн замнал, хөдөлмөрийн сайчуул, алдартан гавьяатнуудын мэдээлэл бүхий бидний-бахархал танхим, үйлдвэрлэл-технологи-инновацын танхим, нийгмийн  хариуцлагатай-Эрдэнэт үйлдвэр гэсэн  6 танхимаас  бүрдэх юм. Одоогоор Эрдэнэт үйлдвэрийн музейд үйлдвэрлэл-технологи-инновацын танхим, нийгмийн хариуцлагатай “Эрдэнэт үйлдвэр” гэсэн 2 танхим байгуулах ажил хараахан эхлээгүй байна. Эдгээр 6 танхимыг бүрэн ашиглалтад орсны дараа буюу ирэх 10-р сарын 01 гэхэд албан ёсны нээлт хийхээр төлөвлөж байна.      Уул уурхайн үйлдвэрийн газрын дэргэд  дижитал музей байгуулснаараа үйлдвэрийн түүхийг залуу үеийнхэндээ сурталчлаад зогсохгүй, шинэ залуу ажилчдадаа зориулсан сургалт хийх,  мэдээлэл өгөх, мэргэжлийн  баяруудыг тохиолдуулан өдөрлөг зохион байгуулах зэрэг музей тойрсон олон нийтийн  ажлууд явуулна. Мөн Эрдэнэт үйлдвэрийн харьяа цех, хэлтэс, бүтцийн нэгжүүдийн үйл ажиллагаа,  онцлох түүхэн үйл явдлууд,мэргэжлийн баяр зэрэгт тохируулан тухай бүрт нь музейн үзмэрүүдийг шинэчлэн дэглэх боломжтой болох юм. Э.Мөнх-Уянга Фото: Ш.Лхамсүрэн   Дэлгэрэнгүй...
  • Аюулыг мэдрүүлэх шилдэг төхөөрөмжийг тодрууллаа

         ХАБЭА-н хэлтсээс үйлдвэрийн бүтцийн нэгжийн ажиллагчдын дунд зарласан “Аюулыг аюулгүйгээр мэдрүүлэх тоног төхөөрөмжийн уралдаан”-ы шилдэг бүтээлүүд өнгөрсөн пүрэв гарагт шалгарлаа. Оны эхний хагас жилийн турш өрнөсөн энэхүү уралдаан нь аюул эрсдэлийг аюулгүй мэдрүүлэх, урьдчилан сэргийлэх тоног төхөөрөмжийг ажилчид өөрсдийн бүтээлч идэвх санаачилгаараа, дотоод нөөц бололцоондоо тулгуурлан зохион бүтээх зорилго агуулсан юм. Уг уралдаанд нийт 42 бүтээл ирсэн бөгөөд бүтээлүүдийг эргэх механизмд орооцолдох, хавчуулагдах мөн цахилгаан гүйдэл, хүчдэл, дараагийнх нь дээрээс унах, бүдрэх аюулыг мэдрүүлэх гэсэн үндсэн гурван бүлэгт ангилан аюулгүйн шаардлага, мэдлэг оюун, хийц загвар, шийдэл зэрэг шалгуураар  байр эзлүүлэв. Эргэх механизмын аюулыг мэдрүүлэх бүлэгт Дулааны цахилгаан станцын  “Тээрмийн хөтлөгч араа, конвейрын туузан дамжуулгын аюулыг мэдрүүлэх төхөөрөмж” нэгдүгээр байр эзэлж нэг сая төгрөгийн шагнал хүртлээ. Энэхүү төхөөрөмж нь ухаалаг утаснаас автомат удирдлагаар холбогдон ажилладаг дэвшилтэт давуу талтай. Ажиллаж буй эргэх механизмд болгоомжгүй байдлаар өртөж буй үйл явцыг харуулан аваарын гэрэл, дуут дохио асаж аюулыг мэдрүүлэх онцлогтой.      Энэ бүлгийн хоёрдугаар байрт Ил уурхайн “Ремень болон харьцах араанд гар хавчуулах аюулыг таниулах төхөөрөмж”, гуравдугаар байрт Засвар механикийн заводын “Гинжин ба туузан дамжуургад орооцолдох аюулыг мэдрүүлэх”, Спорт цогцолборын “Бүрэн бус гар цахилгаан багажийн аюулыг мэдрүүлэх” төхөөрөмжүүд шалгарлаа.      Өндрөөс унах аюулын бүлэгт Автотээврийн цехийн “Жолооч хамгаалах бүс хэрэглээгүйн улмаас үүдэх аюулыг таниулах авто машины суудлын бүс” бүтээл тэргүүн байр эзэлжээ. Улсын хэмжээнд зам тээврийн осолд орсон нийт хүмүүсийн 72 хувь нь суудлын бүс хэрэглээгүйн улмаас гэмтсэн, амь насаа алдсан байдаг.  Суудлын бүс нь ослын үед бэртэж гэмтэх, гадагш шидэгдэх эрсдэлээс 80 хувь хүртэл хамгаалах боломжтойг мэдрүүлсэн сургалтын энэхүү бүтээл нь олны сонирхлыг ихэд татсан юм. Энэ төрөлд хоёрдугаар байрыг Ган бөөрөнцгийн цехийн “Дуу шуугианыг харьцуулан мэдрүүлэх”, Дулааны цахилгаан станцын “Шуугианыг аюулгүйгээр мэдрүүлэх” төхөөрөмж, гуравдугаар байрыг Ил уурхайн “Өндөрт ажиллах монтёрыг хамгаалах бүс” бүтээл шалгарсан байна.      Харин шүүгчид цахилгаан гүйдэл, хүчдэл бүлэгт ирсэн бүтээлүүдээс нэг, хоёрдугаар байрт шалгарах төхөөрөмж байсангүй гэж үзжээ. Гуравдугаар байрт, Засвар механикийн заводын “Цахилгаан соронзон орны нөлөөллийн халалт шаталт”, Цахилгаан цехийн “Тоног төхөөрөмжийн металл холбоосгүй үед үүсэх гүйдлийг хамгаалах хэрэгсэлтэй болон үгүй үеийн аюулыг таниулах”, “Цахилгаан тоног төхөөрөмж дээр ажил гүйцэтгэх үед санамсаргүйгээр хүчдэл өгөхөд үүсэх аюулыг таниулах”, Холбоо, мэдээллийн технологийн автоматжуулалтын цехийн “Цацрагийн аюул эрсдэлийг таниулах, хүнд үзүүлэх нөлөөллийг мэдрүүлэх”, “Эрдэнэт цогцолбор” дээд сургуулийн төхөөрөмжүүд тодорлоо.         Цар тахлын халдварын үеийн эдийн засгийн хямралтай үед хэмнэлтийн бодлого хэрэгжүүлэн ажилчдын бүтээлч сэтгэлгээнд тулгуурлан үнэтэй төхөөрөмжүүдийг дотоод нөөц боломжоо ашиглан хийх энэхүү уралдаан нь аюул осолд өртөхгүйгээр амь нас, эрүүл мэндээ хамгаалах, аюулыг мэдрүүлэх байдлаар ажилчдыг зөв зан үйлд дадлагажуулах чухал туршлага болсноороо олон талын ач холбогдолтой гэж ХАБЭА-н хэлтсийн сайжруулалтын мэргэжилтэн, доктор Л.Батгэрэл онцоллоо.        ХАБЭА-н хэлтсээс үйлдвэрийн бүтцийн нэгжийн ажиллагчдын дунд зарласан “Аюулыг аюулгүйгээр мэдрүүлэх тоног төхөөрөмжийн уралдаан”-ы шилдэг бүтээлүүд өнгөрсөн пүрэв гарагт шалгарлаа. Оны эхний хагас жилийн турш өрнөсөн энэхүү уралдаан нь аюул эрсдэлийг аюулгүй мэдрүүлэх, урьдчилан сэргийлэх тоног төхөөрөмжийг ажилчид өөрсдийн бүтээлч идэвх санаачилгаараа, дотоод нөөц бололцоондоо тулгуурлан зохион бүтээх зорилго агуулсан юм. Уг уралдаанд нийт 42 бүтээл ирсэн бөгөөд бүтээлүүдийг эргэх механизмд орооцолдох, хавчуулагдах мөн цахилгаан гүйдэл, хүчдэл, дараагийнх нь дээрээс унах, бүдрэх аюулыг мэдрүүлэх гэсэн үндсэн гурван бүлэгт ангилан аюулгүйн шаардлага, мэдлэг оюун, хийц загвар, шийдэл зэрэг шалгуураар  байр эзлүүлэв. Эргэх механизмын аюулыг мэдрүүлэх бүлэгт Дулааны цахилгаан станцын  “Тээрмийн хөтлөгч араа, конвейрын туузан дамжуулгын аюулыг мэдрүүлэх төхөөрөмж” нэгдүгээр байр эзэлж нэг сая төгрөгийн шагнал хүртлээ. Энэхүү төхөөрөмж нь ухаалаг утаснаас автомат удирдлагаар холбогдон ажилладаг дэвшилтэт давуу талтай. Ажиллаж буй эргэх механизмд болгоомжгүй байдлаар өртөж буй үйл явцыг харуулан аваарын гэрэл, дуут дохио асаж аюулыг мэдрүүлэх онцлогтой.      Энэ бүлгийн хоёрдугаар байрт Ил уурхайн “Ремень болон харьцах араанд гар хавчуулах аюулыг таниулах төхөөрөмж”, гуравдугаар байрт Засвар механикийн заводын “Гинжин ба туузан дамжуургад орооцолдох аюулыг мэдрүүлэх”, Спорт цогцолборын “Бүрэн бус гар цахилгаан багажийн аюулыг мэдрүүлэх” төхөөрөмжүүд шалгарлаа.      Өндрөөс унах аюулын бүлэгт Автотээврийн цехийн “Жолооч хамгаалах бүс хэрэглээгүйн улмаас үүдэх аюулыг таниулах авто машины суудлын бүс” бүтээл тэргүүн байр эзэлжээ. Улсын хэмжээнд зам тээврийн осолд орсон нийт хүмүүсийн 72 хувь нь суудлын бүс хэрэглээгүйн улмаас гэмтсэн, амь насаа алдсан байдаг.  Суудлын бүс нь ослын үед бэртэж гэмтэх, гадагш шидэгдэх эрсдэлээс 80 хувь хүртэл хамгаалах боломжтойг мэдрүүлсэн сургалтын энэхүү бүтээл нь олны сонирхлыг ихэд татсан юм. Энэ төрөлд хоёрдугаар байрыг Ган бөөрөнцгийн цехийн “Дуу шуугианыг харьцуулан мэдрүүлэх”, Дулааны цахилгаан станцын “Шуугианыг аюулгүйгээр мэдрүүлэх” төхөөрөмж, гуравдугаар байрыг Ил уурхайн “Өндөрт ажиллах монтёрыг хамгаалах бүс” бүтээл шалгарсан байна.      Харин шүүгчид цахилгаан гүйдэл, хүчдэл бүлэгт ирсэн бүтээлүүдээс нэг, хоёрдугаар байрт шалгарах төхөөрөмж байсангүй гэж үзжээ. Гуравдугаар байрт, Засвар механикийн заводын “Цахилгаан соронзон орны нөлөөллийн халалт шаталт”, Цахилгаан цехийн “Тоног төхөөрөмжийн металл холбоосгүй үед үүсэх гүйдлийг хамгаалах хэрэгсэлтэй болон үгүй үеийн аюулыг таниулах”, “Цахилгаан тоног төхөөрөмж дээр ажил гүйцэтгэх үед санамсаргүйгээр хүчдэл өгөхөд үүсэх аюулыг таниулах”, Холбоо, мэдээллийн технологийн автоматжуулалтын цехийн “Цацрагийн аюул эрсдэлийг таниулах, хүнд үзүүлэх нөлөөллийг мэдрүүлэх”, “Эрдэнэт цогцолбор” дээд сургуулийн төхөөрөмжүүд тодорлоо.         Цар тахлын халдварын үеийн эдийн засгийн хямралтай үед хэмнэлтийн бодлого хэрэгжүүлэн ажилчдын бүтээлч сэтгэлгээнд тулгуурлан үнэтэй төхөөрөмжүүдийг дотоод нөөц боломжоо ашиглан хийх энэхүү уралдаан нь аюул осолд өртөхгүйгээр амь нас, эрүүл мэндээ хамгаалах, аюулыг мэдрүүлэх байдлаар ажилчдыг зөв зан үйлд дадлагажуулах чухал туршлага болсноороо олон талын ач холбогдолтой гэж ХАБЭА-н хэлтсийн сайжруулалтын мэргэжилтэн, доктор Л.Батгэрэл онцоллоо.   А.Марал Фото: Б.Баттөгс Дэлгэрэнгүй...
  • Цахим зөвлөмж ажилчдын сэтгэлд гойд нийцэв

         Цаг үеийн  онцгой нөхцөл байдлын үед  Баяжуулах үйлдвэрийн  Хүний нөөцийн албанаас эрхлэн  Эрүүл мэнд чийрэгжүүлэлтийн төвийн цахим группээрээ дамжуулан   цуврал зөвлөмж мэдээлэл явуулж буй нь  ажилчдын сэтгэлд гойд нийцжээ.  1200 гаруй ам бүлтэй энэ “өнөр айл”  спортын мастер, урлагийн авьяастан, уран гартан олонтой.  Цахим группдээ тэд амжилтад хүрсэн түүхээ хүүрнэж, ахмад ажилтан  амьдралын баялаг туршлагаа түгээж, эгэл жирийн нэгэн ажилчин ч эзэмшсэн зөв дадлаа хуваалцдаг.  Амьдралын зөв хэв маягт суралцах, урт насалж бүтээмжтэй ажиллах тухай цахим зөвлөгөө  элбэг  байдаг ч,  зэрэгцэн ажилладаг нөхдийнх нь яриа хөөрөө, зураг, бичлэгээр дамжин  хүрч буй мэдээлэл тэдний сэтгэлд ойр “буужээ”. Зөвлөгөө мэдээллийг лавшруулан судлах,  хэрэгжүүлэхэд эх сурвалж  дэргэд нь байгаа болохоор  өгөөжтэй. “Баяжуулагчид бие биеэсээ суралцах,  нэгнийхээ амжилтаар бахархах, сайхан сэтгэл, эерэг хандлагыг төлөвшүүлэх, зөв амьдрах урлагт суралцахад  цахим зөвлөмжийн тус их. Нөгөөтэйгүүр  шинэ ажилтнуудынхаа  авьяас чадварыг нээн илрүүлэхэд дөхөм болж байна. Өнөөдрийн байдлаар 25 дахь зөвлөмжөө нийтэллээ гэж  Соёл олон түмний ажлын арга зүйч С.Должинсүрэн ярилаа. Я.Энхтуяа   Дэлгэрэнгүй...
  • Бүтээмж чанарын дугуйлангуудын оролцоо гурав дахин өсжээ

         Сүүлийн жилүүдэд Эрдэнэт үйлдвэрийн Судалгаа шинжилгээний хүрээлэнгийн Бүтээмж чанарын дугуйлангуудын сайн саналын систем дэх оролцоо гурав дахин өсжээ. 2019 онд тус цехийн ажилтнуудын гаргасан сайн саналууд ажлын байр болон ХАБЭА, үйлдвэрлэлийн технологийн чиглэлд 75 хувь хэрэгжиж үр ашиг өгсөн аж. Цехийн хэмжээнд гурван бүтээмж чанарын дугуйлан үйл ажиллагаагаа явуулдаг. Тус хүрээлэнгийн хамт олон бүтээмжийн үйл ажиллагаанд оролцсон цагаасаа 46 төсөл, 20 жижиг сайжруулалтын ажил амжилттай гүйцэтгээд байна. Энэ хугацаанд цехийн тоног төхөөрөмжүүдийг автомат ажиллагаатай болгоход чиглэсэн олон төсөл хэрэгжжээ. Тухайлбал, хатаах шүүгээ температурын зөрөөтэй, нарийвчлал багатай байсныг өөрчилснөөр ажилтнуудын хөдөлмөрийн бүтээмж дээшилж, цаг ашиглалт сайжирсан байна. 2020 оны эхний хагас жилд “Лабораторийн туршилтын процесс сайжруулалтын ажил”, “Ашиглалтын хайгуулын дээжийн боловсруулалтын хугацааг багасгах нь” зэрэг сэдэвт төсөл хэрэгжсэнээр цехийн дотоод зохион байгуулалтыг оновчилж, хүдэр бэлтгэлийн шат дамжлагыг багасгав. Мөн цехийн бүтээмжийн үйл ажиллагааг улам сайжруулахын тулд шинэ орон тоо батлуулсан нь бүтээмж, инновацийн чиглэлээр илүү сайн ажиллах  нөхцөл бүрджээ.                                                                                                                                        Т.Батчулуун Дэлгэрэнгүй...
  • Баяжуулагчид өртөг бууруулах сайн саналаар өрсөлдөнө

         Баяжуулах үйлдвэрийн Бүтээмжийн зөвлөлөөс саналын систем дэх   ажилтны оролцоог нэмэгдүүлэх, улмаар өртөг зардлыг бууруулах зорилгоор  “Миний оролцоо-Миний үйлдвэр” сайн саналын  уралдаан зарласан. Тавдугаар сарын нэгэнд эхэлсэн уг уралдаан наймдугаар сарын 10 хүртэл үргэлжлэх  юм. Энэ хүрээнд үйлдвэрлэлийн хэсгүүдээр “1000 санал-1000 өгөөж”  уриа бүхий самбар аялуулж, саналыг бүртгэж байна. Өнөөдрийг хүртэлх  хоёр  сарын хугацаанд 354 ажилчин санал ирүүлжээ. Өнгөрсөн жилийн турш  455 хүн санал гаргасантай харьцуулбал ажиллагчдын оролцоо эрс  нэмэгдэх хандлагатай байна. Ажиллагчид   өртөг зардал бууруулах, ХАБЭА-г хангах, эрсдэл бууруулах, үйлдвэрлэлийн үзүүлэлтийг дээшлүүлэх зэрэг таван чиглэлд ахиц авчрахуйц санаа сэдэж,  ухаанаа уралдуулж байна.  Уралдаан хоёр сая төгрөгийн шагналын сантай төдийгүй  шилдгүүдийн шагналт цалинг тодорхой хувиар нэмэгдүүлэх аж.   Ажилтнууд саналаа “Баяжуулах үйлдвэрийн бүтээмжийн үйл ажиллагаа” цахим хуудсанд байршуулдаг бөгөөд хүсвэл Эрдэнэт үйлдвэрийн бусад цехийнхэн ч тэдний саналтай танилцах боломжтой.                                                                                                                                      Я.Энхтуяа Фото: Б.Баттөгс Дэлгэрэнгүй...
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
Холбоо барих

     Уул уурхайн салбарт хүч түрэн орж ирсэн залуучуудыг нэгтгэх, тэднийг төлөвшүүлэх, шинэ үеийн дэвшилтэт технологитой хөл нийлүүлэн алхахад мэдлэг чадвар олгох, хувь хүний хөгжилд нь ахиц дэвшил гаргахад тулж ажилладаг гол цөм нь Эрдэнэт үйлдвэрийн Залуучуудын холбоо юм. Нийт ажилчдын 57 хувь буюу 3000 гаруй залуусын эрх ашгийн төлөө үйлчилдэг тус холбоо 20 жилийн тэртээ шангаа татжээ. Эрдэнэт үйлдвэрийн Инженерийн зурагтөслийн төвийн зохион бүтээгч инженер, Залуучуудын холбооны тэргүүн Т.Мөнхбатыг зочноор урьж, ярилцлаа.

-Эрдэнэт үйлдвэрийн Залуучуудын холбоо бүтэц бүрэлдэхүүний хувьд ямар зохион байгуулалттай ажиллаж байна вэ? Залуучуудын оролцооны талаар яриагаа эхэлье?

     -1999 онд Монголын Залуучуудын холбооны салбар зөвлөл нэрийн дор Эрдэнэт үйлдвэрийн Залуучуудын холбоог байгуулсан түүхтэй. Залуучуудын харилцаа, хандлага, сэтгэлгээ цаг үеэ даган ихэд өөрчлөгдсөн ч залуучуудын байгууллага үндсэн бодлогоо гээлгүй өнөөдрийг хүрсэн нь бидний хувьд том амжилт юм. Уурхайчин залуусын эрх ашгийн төлөө нэгдэн, сэтгэл зүтгэлтэй ажилладаг залуусын нэгдэл гэж хэлж болно. Бид ажлын талбар дээр үйлдвэрийн тасралтгүй үйл ажиллагааг хангах үүрэг хүлээдэг бол холбооны хэмжээнд өөрийгөө болон бусдыг хөгжүүлэхэд анхаарч байна. Залуучуудын холбоо маань Удирдах зөвлөлийн гишүүн, тэргүүлэгчид, нарийн бичгээс бүрдсэн 60-аад хүний бүрэлдэхүүнтэй үйл ажиллагаа явуулдаг. Цалин хөлс авдаггүй бидний ажил улс төрийн нам эвсэл, хэн нэг удирдлагаас хараат бус үйл ажиллагаа явуулдгаараа онцлогтой.

-Таны бодлоор залуучуудын байгууллагад ажиллах нь хувь хүний хөгжилд ямар нөлөө үзүүлдэг гэж харж байна вэ? 

     -Юуны өмнө цех, хэсгийнхээ залуучуудын өмнөөс хурал цуглаанд оролцож, тэдний санаа бодлыг илэрхийлж байгаа нь сайшаалтай. Нэг үйл ажиллагаанаас хоцорчихвол тухайн цех нэг мэдээллээс ор тас хаягддаг тал бий. Тиймээс тэргүүлэгчид маань их хариуцлагатай болдог. Нөгөө талаас үеийнхэн дундаа нийгэмшиж, өөрийгөө илэрхийлэх чадварт суралцаж байна. Бид тасралтгүй хөгжиж, боловсрох ёстой. Хөгжлийг нийгэм талаасаа ярихаас гадна ажил мэргэжил талаасаа ч ярих нь зөв байх. Өнөө үед инженерийн сэтгэлгээ асар өндөрт тавигддаг болсон шүү дээ. Дэлхий нийтийн техникийн хөгжилтэй зэрэгцэж явахын тулд хүн бүр ажил мэргэжилдээ чадавхжих, хөрвөх чадвартай болох, өөртөө зорилго тодорхойлж, түүндээ тэмүүлэх зүй ёсны шаардлага бий болж байна.

     Сонгуульт ажил авсныхаа дараа миний баримталсан нэг зүйл бол Эрдэнэт үйлдвэр залуучуудын бодлоготой байх ёстой гэж үзсэн. Бодлогын хүрээнд Залуучуудын байгууллага нь ажлаа уялдуулах ёстой. Ингэснээр залуучуудын холбооны цаашдын тогтвортой хөгжлийн чиг гарч ирэх юм. Өмнөх 20 жилд түүчээлж явсан залуус маань үйлдвэрийнхээ хэлтэс, цехийн удирдлагаар ажиллах хэмжээнд боловсорчээ. Ингээд бодохоор залуучуудын байгууллагын үүрэг оролцоо ямар дүн авах нь тодорхой байх.

-Залуучуудын холбооны тогтвортой хөгжлийг хангахад ямар ажлууд хийж байгаа талаараа мэдээлэл өгөхгүй юу?

     -Эрдэнэт үйлдвэрийн нийт ажиллагсдын 57 хувийг 18-40 насны залуучууд эзэлж байна. Сүүлийн хагас жилийн хугацаанд 1000 гаруй шинэ залуу ажилтантай боллоо. Иймээс залуучууд руу хандсан бодлого түлхүү явуулах зайлшгүй шаардлага бий болсон нь харагдаж байгаа юм. Бид 2018-2023 онд баримтлах “Залуучуудын хөгжлийг дэмжих хөтөлбөр”-ийг боловсруулан, хэрэгжүүлж эхэлсэн. Энэ хөтөлбөрийг Эрдэнэт үйлдвэрийн Ерөнхий захирал, удирдлагууд дэмжсэнд залуучуудынхаа өмнөөс талархалтай хандаж байгаа. Орон сууцны хөнгөлөлтийн асуудал, чадвартай залуусаа гадаадын их, дээд сургуульд суралцах, чадвараа хөгжүүлэхэд түлхэц үзүүлэх, залуу гэр бүлийн хүүхдийг цэцэрлэгт хамруулах зэрэг нь хөгжлийн хөтөлбөрт тусгагдсан.

     Шинэ залуу ажилчдад зориулсан төлөвлөгөөт ажлуудаа цех, хэсэг, нэгж гэхээс илүүтэй нэг үйлдвэрийн залуучууд гэдэг талаас нь хоорондоо нэгдэн нягтруулах бодлогыг барьж байна. Залуучуудын хандлагыг өөрчилье гэж ярихаар л хэрэгжчихдэг зүйл биш. Тулгамдаж буй асуудал нь гэр бүлийн харилцаанд нөлөөлдөг юм шиг. Бид юун түрүүнд гэр бүлийн хүчирхийлэл, цэцэрлэг, сургуулийн өмнөх боловсрол, өдөр өнжүүлэх зэрэг тулгамдсан асуудлыг шийдвэрлэхэд аймгийн удирдлагууд болон Хүүхэд, гэр бүл, залуучуудын хөгжлийн газартай хамтран ажиллаж, далайцтай ажлууд хийхээр төлөвлөсөн.  

-Ойн хугацаанд ямар ажлууд амжуулав?

      -Залуучуудын холбооны 20 жилийн ойн хүрээнд үйлдвэрийн удирдлагуудтай хэлэлцэж, бүтээлч 20 ажил хийхээр төсөв, төлөвлөгөөгөө батлуулан ажиллаж байна. Онцлог ажлаас дурдвал, Залуучуудыг цаашид өсөн дэвших гарц боломжийг нээх зорилгоор УБТЗ, Дулааны цахилгаан станц, ИНЕГ-тай хамтран “Өөрийгөө шинэчлэх хүч” сэдэвт JCI-ын лектор багшаар удирдуулсан лекц сургалт зохион байгууллаа. Сурч боловсрох, мэдлэгээ дээшлүүлэхэд хамтран ажиллах зорилгоор АНУ-ын Жоржиео мужийн Мерсон хотын “Мерсер” их сургуулийн судлаач эрдэмтдийн баг, Toastmasters club-тай хамтарсан уулзалт хийсэн.

     Ажлын гүйцэтгэл 80 гаруй хувьтай байна. Удахгүй салбарын 100 гаруй мэргэжилтнийг хамруулсан “Уул уурхайн хэлэлцүүлэг форум”-аа зохион байгуулна. Анх удаа хийж байгаа энэ форумаас их зүйл хүлээж байгаа. Ирэх сарын 6-нд 20 жилийн ойн шагнал гардуулах ёслол зохион байгуулахаар төлөвлөн ажиллаж байна. Мөн Үйлдвэрийн залуучуудын сүлд дууг бүтээхээр ажилдаа ороод байгаа.

-Хамтын ажиллагаагаа өргөжүүлэх тал дээр хэрхэн анхаарч байна вэ?

     -Холбооны зүгээс өнгөрсөн хугацаанд гадаад, дотоод хамтын ажиллагааг өргөжүүлэхэд ихээхэн анхаарсан. Гадаад харилцаа, хэлний мэдлэгээ дээшлүүлэх чиглэлээр АНУ, БНСУ-тай хамтран ажиллана. Үе шаттай хэрэгжих эдгээр ажлынхаа эхлэлийг тавьсанд олзуурхаж байна. Залуучуудад тэлье, хөгжье, мэргэжил чиглэлээ өөрчилье гэсэн бодол их бий. Түүнчлэн хувь хүний карьерын бодлогыг түлхүү хэрэгжүүлэх бодолтой байна. Тухайлбал, би хэдэн жилийн дараа мастер болох вэ, мэргэжилдээ ахихад надад ямар чадамж хэрэгтэй вэ зэргээр өөрийн зорилгыг оновчтой тодорхойлоход системтэй арга зааж өгөх юм.

      Дотоодын хамтын ажиллагаа, туршлага солилцох чиглэлээр УБТЗ-ын залуучуудын байгууллага, “ДЦС-4” ТӨХК-ийн Залуучуудын холбоо, ИНЕГ-ын Залуучуудын холбоотой хамтран ажиллаж байна. Залуучууд танилцах, туршлага солилцох уулзалтад оролцохдоо ихэвчлэн эрэл хайгуул хийж, ололттой саналуудыг ажил мэргэжлийн онцлогтоо уялдуулан ажиллаж байна.

 -Үндсэн ажлынхаа хажуугаар энэ бүх ажлыг яаж амжуулаад байна вэ?

      -Би Эрдэнэт үйлдвэрийн дэргэдэх Ш.Отгонбилэгийн нэрэмжит Технологийн сургуулийг 2005 онд төгсөж, уул уурхайн салбарт 15 дахь жилдээ инженерээр ажиллаж байна. Ажлын талбарт  энэ мэргэжлийн үр өгөөж илүүтэй гардгийг биеэрээ мэдэрч байна. Ангийнхан маань бүгд л үйлдвэртээ ажиллаж, зарим нь удирдах алба хашиж байгааг хараад тэднээрээ бахархдаг. Компьютер графикийн аргаар зураг төслийн ажил гүйцэтгэх нь миний ажил. Тодруулбал, Засвар механикийн заводод хийгдэж байгаа импортын бараа бүтээгдэхүүн орлох тоног төхөөрөмжийн өөрчлөлт шинэчлэл, эвдрэл гэмтлийг сайжруулах, металл эд анги болон тоног төхөөрөмж байршуулах ажлын зураг төслийг хариуцан хийдэг гэсэн үг. Ямартаа ч хувь хүнээс эрэл хайгуулч, шинийг санаачлах чадвар илүүтэй шаарддаг юм. Тиймээс ч цаг үеэ даган хөгжихийг, ингэхдээ залуучуудтайгаа мөр зэрэгцэн урагшлахыг зорьж байна.

     Олон нийтийн ажилд оролцох нь хувь хүнээс багагүй цаг хугацаа, хичээл зүтгэл шаарддаг гэж хэлж болно. Манай цехийн дарга удирдлагууд ойлгоно, заримдаа дэмжихгүй байх тохиолдол ч гарна. Гэхдээ үйлдвэрийнхээ залуучуудын төлөө явж байгаа болохоор үндсэн болон олон нийтийн ажлаа хослуулаад, зохицуулаад л явж байна даа. Залуучуудын холбооны тэргүүн, тэргүүлэгч, гишүүд маань саад бэрхшээлийг даван гарч, залуусын төлөө гэсэн сэтгэл, зүтгэлтэй ажиллаж байгааг хараад тэднээрээ бахархдаг шүү.

Ярилцсан И.Чинтогтох

Фото: Ш.Лхамсүрэн

Эрдэнэт үйлдвэрийн Гэрээт цагдаагийн хэлтсийн замын цагдаагийн хэсгээс “Яараад яахав дээ” төслийн хүрээнд үйлдвэрийн бүс рүү орох уулзвар  болон аймгийн улсын чанартай авто замд үзлэг шалгалт зохион байгуулав. Шалгалтаар 1000 орчим тээврийн хэрэгсэлд үзлэг хийж, таван төрлийн 700 гаруй урьдчилан сэргийлэх сурталчилгааны мэдээлэл, гарын авлага жолооч нарт тараасан байна. Энэ удаагийн шалгалтын явцад согтуугаар тээврийн хэрэгсэл жолоодсон гурван зөрчлийг илрүүлж, холбогдох хариуцлага тооцохоор шалгалт хийж байгааг Гэрээт цагдаагийн хэлтсийн Замын цагдаагийн хэсгийн дарга,  Цагдаагийн хошууч З.Батхүрэл мэдээлэв.

“Яараад яахав дээ” аяны хүрээнд Замын цагдаагийн хэсгийнхэн Эрдэнэт үйлдвэрийн бүтцийн цех нэгжүүдэд урьдчилан сэргийлэх сургалт сурталчилгааны ажил зохион байгуулж байна. Мөн ирэх сараас цех нэгжүүд зам тээврийн ослоос урьдчилан сэргийлэх чиглэлээр хийж хэрэгжүүлж буй ажлыг дүгнэх мэдээллийн дэвтэр аялуулахаар төлөвлөж байгаа аж. ЦЕГ-ын Урьдчилан сэргийлэх хэлтэс, Тээврийн цагдаагийн газрын алба хамтран “Орон нутгийн замын хөдөлгөөний соёл-2019” нэгдсэн арга хэмжээг зургаадугаар сарын 15 –аас аравдугаар сарын 1 хүртэл хугацаанд улс даяар өрнүүлж байгаа юм. Үүний  хүрээнд “Яараад яахав дээ” аяныг  зам тээврийн осол, гэмт хэргийг бууруулах, хүний амь нас  эрсдэхээс урьдчилан сэргийлэх зорилгоор хэрэгжүүлж эхлээд байгаа юм.

М.Балжинням


 

Амьд хөгжмийн гайхамшиг, аялгуулаг эх оронч дуугаар Монгол түмний хайр, хүндлэлийг хүлээсэн “Хурд”-ынхан энэ сарын 31-нээс 9 дүгээр сарын 1-ний өдрүүдэд Эрдэнэт хотноо зочлох юм. Хамтлагийн гишүүд Монгол Улсын Ерөнхий сайд У.Хүрэлсүхийн ивээл дор хэрэгжиж буй “Хайртай” төслийн хүрээнд хэд хэдэн уулзалт зохион байгуулж, нэвтрүүлгийн зураг авалт хийхийн зэрэгцээ үдшийн цэнгүүнд уран бүтээлийн дээжсээ толилуулан, оюунлаг хотынхонд бэлэг барихаар зэхжээ.

Хүүхэд залуучууд, өсвөр үеийнхнийг соён гэгээрүүлэх, урлагаар дамжуулан хүмүүжил, төлөвшил олгоход чиглэсэн энэхүү төсөлд “Урмаар тэтгэе”, “Оюунлаг хэрсүү хүүхэд”, “Миний сайхан эх орон”, “Өв тээгч” нэвтрүүлэг, “Та Монгол ээж”, “Хүүхэд хүмүүжүүлэх Монгол ухаан” сургалт, “Эр хүний ноён нуруу”, “Хөвгүүдийн уулзалт” олон нийтийн уулзалт, ярилцлага, “Эх орны хийморь” цэнгүүн зохион байгуулагдана. Төслийн багийнхан энэ үеэр Эрдэнэт үйлдвэртэй танилцаж, уурхайчидтай уулзалт хийхээр товлоод байна.

И.Чинтогтох

“Эрдэнэт үйлдвэр” ТӨҮГ-ын Ерөнхий захирлын 2019 оны долоодугаар сарын 19-ний өдрийн А/666 тоот тушаалын дагуу үйлдвэрийн газрын бүтцийн нэгжүүдэд намар, өвлийн улиралд бэлтгэх ажлууд хийгдэж  байна. Тушаалын дагуу бүтцийн нэгжүүдэд хийгдэх ажлын төлөвлөгөө гарч нийт 320 ажил гүйцэтгэхээр  батлагджээ.

          2019-2020 оны намар, өвлийн бэлтгэл ажлыг үндсэн технологийн тоног төхөөрөмжийн бэлтгэл ажил, эрчим хүчний тоног төхөөрөмж болон системүүдийг бэлтгэх,  аж ахуй, барилга байгууламж, түүхий эд, хангамж гэсэн  үндсэн дөрвөн чиглэлээр хийж гүйцэтгэж байна. 

Наймдугаар сарын 27-ны өдрийн байдлаар нийт төлөвлөсөн ажлын 229 ажил нь хийгдэж дуусах шатандаа ороод байна. Намар, өвлийн бэлтгэл ажил 30 хувийн гүйцэтгэлтэй байгаа ба 2020 оны дөрөвдүгээр сар хүртэл төлөвлөсөн ажлууд үргэлжлэх юм.

А.Бямбамаа

ХАБЭА-н хэлтсээс ойрын өдрүүдэд төлөвлөгөөт болон ээлжит бус шалгалтаа  үйлдвэрийн цех нэгжүүдэд үргэлжлүүлж байна. Тухайлбал, төлөвлөгөөт шалгалтын хүрээнд Ил уурхайд ХАБЭА-н 4 дүгээр шатны үзлэг хийжээ. Үзлэгийн дүнгээр хэд хэдэн зөрчил дутагдал илэрснийг арилгах хугацаат үүрэг өгсний дагуу тус цехийнхэн 14 хоногийн төлөвлөгөө гарган хэрэгжүүлж байна. Үүрэг даалгаврын биелэлтэд хяналт тавих, зөрчил дутагдлыг арилгах ажлын хэсгийн бүрэлдэхүүнд  Ил уурхайн ХАБЭА-н ажилтнууд багтаж, ажиллаж байгаа юм.

Ээлжит бус шалгалтад Геологи хайгуулын анги, Авто тээврийн цех, Ус хангамжийн цех, Ган бөөрөнцгийн цех болон “Сэлэнгэ” амралт, аялал жуулчлалын цогцолбор хамрагджээ. Шалгалтын явцад Ил уурхай болон “Сэлэнгэ” амралт, аялал жуулчлалын цогцолборын үйл ажиллагаанд хөдөлмөрийн аюулгүй байдлын ноцтой зөрчил илэрсэн байна. ХАБЭА-н хэлтсээс илэрсэн зөрчил дутагдлыг арилгах 14 хоногийн хугацаат үүрэг даалгавар өгч, хэрэгжилтэд хяналт тавин ажиллаж буйг Албаны дарга Х.Эрдэнэбат мэдээлэв. Үүрэг даалгаврын хүрээнд “Сэлэнгэ” амралт, аялал жуулчлалын цогцолборын хоёр хэсэгт 14 хоногийн онцгой горим тогтоон, дээрх хугацаанд ажил сайжруулах чиглэлээр зөвлөмж, зааварчилгаа өгч ажиллаж байгаа аж.

М.Балжинням

Ил уурхайнхан энэ жилийн намар, өвлийн бэлтгэл ажлын хүрээнд 13 ажил хийхээр төлөвлөснөөс найм нь 100 хувийн гүйцэтгэлтэй байна. Үлдэж буй төлөвлөгөөт ажлын ихэнх нь барилга байгууламжид хийгдэх урсгал засвар аж. Эдгээр ажлыг гүйцэтгэж байгаа Барилга засварын цехийн статус өөрчлөгдөн, үйлдвэрийн бүтцийн нэгж болсонтой холбоотойгоор бага зэрэг удааширсан ч ирэх 9 дүгээр сард бүрэн бэлтгэж, дуусах боломжтойг албаны эх сурвалж онцоллоо.   

Ил уурхайн намар өвлийн бэлтгэл ажлын төлөвлөгөөнд тусгагддаг гол ажлын нэг нь уулын хэсгийн хөлдүүс их үүсдэг газарт хийх тэсэлгээ байдаг. Уурхай тэлж буйтай холбоотойгоор уулын хэсэгт өрөмдөх, тэслэх, полк зүсэх зэрэг ажлууд ч төлөвлөгөөний дагуу өрнөж байна.  Мөн ус шуудуу цэвэрлэх, уурхайн гүний усыг цуглуулж соруулах, суваг татах, техник тоног төхөөрөмжийн урсгал засвар, үйлчилгээ зэрэг ажлууд намар өвлийн бэлтгэл ажлын төлөвлөгөөнд багтжээ. Өнөөдрийн байдлаар, Тэсрэх бодисын агуулахын дээвэр, дулааны шугам солих, гараашны хаалга засварлах зэрэг ажлыг тус цехийнхэн өөрсдийн хүчээр чанарын өндөр түвшинд гүйцэтгэж байна.

Энэ жил Ил уурхайн 8, 12 дугаар овоолгын дор байрлах  бассейнд хуримтлагдсан шүүрлийн ус буюу “ногоон ус”-ыг  Эрдмин компанитай хамтран ажилчдынхаа хүчээр соруулсан байна. Ингэснээр ирэх өвөл ногоон уснаас үүдэлтэй болзошгүй осол аваар үүсэх нөхцөлийг арилган, үйлдвэрлэлд ямар нэг хүндрэл гарахгүй байх нөхцөлийг бүрдүүлжээ.

М.Балжинням

“Эрдэнэт үйлдвэр” ТӨҮГ-ын хөрөнгө оруулалтын жилийн хүрээнд  Ил уурхайн хэмжээнд шинээр болон шинэчилж солих техник, тоног төхөөрөмжийн төлөвлөгөө амжилттай хэрэгжиж байна. Эдийн засгийн хэлтсээс гаргасан хөдөлмөр, зохион байгуулалтыг үнэлэх аргачлалаар тус цех үйлдвэрлэлийн үйл явц дахь гүйцэтгэлээр 92 хувьтай, ажлын гүйцэтгэлээр 53 хувьтай гэж үнэлэгджээ. Энэ нь  бусад цехүүдтэй харьцуулахад өндөр үзүүлэлт юм.

 Өнгөрсөн хавар Ил уурхайн хамт олон ЭКГ-12 маркийн шинэ экскаватор өөрсдийн хүчээр богино хугацаанд  угсран ашиглалтад оруулсан нь үр өгөөжөө өгч байна. Тэгвэл дараагийн ээлжийн  шинэ экскаваторыг энэ намар хүлээн авна. Одоогийн байдлаар эхний хэсгийн эд ангиуд ирсэн бөгөөд угсралтын ажлыг ирэх 9 дүгээр сарын дунд үеэс 10 дугаар сарын 20 хүртэлх хугацаанд хийж дуусгахаар төлөвлөсөн ажээ.  “Бусад захиалгат  тоног төхөөрөмжийн ханган нийлүүлэлтийн ажил хэвийн үргэлжилж байна.  Үүнээс харахад, хөрөнгө оруулалтын төлөвлөгөө энэ онд 90-ээс дээш хувиар биелэх нөхцөл бүрдсэн.  Уулын ажлын хувьд тодруулбал, уурхайн төлөвлөгөөт ажлууд хуваарийн дагуу хийгдэж байна. Баяжуулах үйлдвэрт чанар, стандартын шаардлагад нийцсэн хүдрээр хангах гол зорилтоо амжилттай хэрэгжүүлж буйг дурдах нь зүйтэй. Түүнчлэн энэ оны төлөвлөгөөт үзүүлэлтээ хангалттай сайн биелүүлэх боломж бий болсон” гэж Ил уурхайн Ерөнхий инженер Д.Уламмандах ярилаа.

Эрдэнэт үйлдвэрийн Ил уурхайн хамт олон 2019 оны эхний хагас жилийн үйлдвэрлэлийн төлөвлөгөөт даалгавраа бүх үзүүлэлтээр нь 100-аас дээш хувиар биелүүлсэн байна. Мөн 7, 8 сарын төлөвлөгөөний гүйцэтгэл сайн дүнтэй байгаа нь оны эхний гурван улирлын төлөвлөгөөг давуулан  биелүүлэх боломжтой болжээ.

М.Балжинням

Эрдэнэт үйлдвэрийн ажилчдад олгодог нийгмийн 24 нэр төрлийн хөнгөлөлт, дэмжлэг, буцалтгүй тусламжийн нэг нь орон сууц худалдан авсан ажилтанд олгодог мөнгөн дэмжлэг байдаг. Энэ тухай мэдээлэл хүргэхээр Нийгмийн харилцааны хэлтсийн тэргүүлэх мэргэжилтэн Д.Алтангэрэлээс тодрууллаа.

-Орон сууцны үнийн хөнгөлөлтийн талаар дэлгэрэнгүй мэдээлэл өгөхгүй юу?

-Эрдэнэт үйлдвэр ажилтан ажиллагсдынхаа нийгмийн асуудлыг шийдвэрлэх зорилгоор 2011 оноос хойш орон сууц худалдан авсан ажилчдадаа тодорхой үнийн дүн бүхий санхүүгийн дэмжлэг үзүүлсээр ирсэн. Энэ хөрөнгө оруулалт 2011 онд 8 сая төгрөг байсан бол 2019 оноос 12 сая төгрөг болж, буцалтгүй тусламж хэлбэрээр хөнгөлөлт олгож байна. Эрдэнэт хотод шинэ орон сууц баригдахгүй, байгаа нь үнийн хувьд хэт хөөрөгдөлтэй. Эрдэнэт үйлдвэр ажилчдынхаа байрны урьдчилгаанд дэмжлэг үзүүлэх үүднээс дээрх хөнгөлөлтийг анх олгож эхэлсэн.

-Өнөөдрийн байдлаар хэчнээн төгрөгийн дэмжлэг үзүүлээд байна вэ?

-Эрдэнэт үйлдвэр өнгөрсөн хугацаанд орон сууцны хөнгөлөлт журмаар 2500 гаруй ажилтанд 20 гаруй тэрбум төгрөг олгосон. 2019 оны нэгдүгээр сарын нэгнээс нэг хүнд олгох 8 сая төгрөгийг 12 сая төгрөг болгож нэмэгдүүлсэн. Энэ нь нэг талаар зах зээл дээр худалдаалагдаж байгаа байрны үнэ ханшаас хамааралтай юм. Үйлдвэрийн газраас жилийн туршид олгох 3.6 тэрбум төгрөгөөр төсөвлөдөг. Энэ оны эхний хагас жилийн байдлаар 250 гаруй ажилтанд 3.1 тэрбум төгрөгийн санхүүжилт хийгээд байна. Тэгэхээр үлдсэн хагаст үлдэгдэл мөнгийг хуваарилах ажил явагдана.

-Энэ хөнгөлөлтийг ажилчид ямар журмаар авдаг вэ?

-Журамд тусгасны дагуу тухайн ажилтан хэд хэдэн шаардлага хангасан байх ёстой. Үүнд Эрдэнэт үйлдвэрт 3 жил ажилласан байх, зээлийн гэрээ, байрны гэрчилгээ нь тухайн ажилтны нэр дээр гарсан байх шаардлагатай. Энэ болзлыг хангасан ажилчдыг ажилласан жил, орон сууц авсан байдал, ажлын үр дүнгээс харгалзан тухайн цехийн нийгмийн асуудлын комисс дүгнэж, дугаар тогтоох ёстой. Уг санал Нийгмийн харилцааны хэлтэст ирэхэд бид нягталж шалгана, улмаар нягтланд хянуулж, Санхүүгийн хэлтэс рүү явуулах, санхүүчид тухайн ажилтныг банктай холбож өгөх журмаар явж байна. Энэ хэлбэрээр явж ирсэн, одоо ч хэвээр. Зарим цех 20 хүний квоттой, зарим нь огт квотгүй байх тохиолдол бий. Ийм үед тухай бүрт нь санал авч, ярилцдаг. Цехүүдийн саналыг хүний нөөцийн мэргэжилтнүүдээр дамжуулан авах ажлыг ойрын үед хэрэгжүүлэхээр бэлтгэлээ хангаж байна.

-Шинэ хорооллын барилгын явцад хяналт тавьж байгаа юу? Ямар хүлээлттэй байна вэ?

-Эрдэнэт үйлдвэрийн ажилчдыг орон сууцжуулах ажлын хүрээнд “Уурхайчин 1, 2, 3” хорооллыг барихаар төлөвлөн ажиллаж байна. Эхний барилга болох “Уурхайчин 1” төслийн дагуу 600 айлын орон сууцыг ашиглалтад оруулахаар энэ оны тавдугаар сарын нэгнээс барилгын ажил эхэлсэн. Бүх цех, хэсгээс шаардлага хэрэгцээ юу байгаа талаар санал авахад 1600 гаруй айлд шинэ орон сууцны хэрэгцээ байгаа нь харагдсан. Энэхүү судалгаанд түшиглэн орон сууцжуулах төслийг эхлүүлсэн гэж хэлж болно. “Хемон констракшн” дэд бүтцийг нь хийх ёстой. “Неман констракшн”-ы хувьд гэрээний асуудлаас болж барилгын явц удааширсан. Гэхдээ Их барилгын хэлтэст хийгдсэн гэрээнд зааснаар бол “Неман констракшн” 2, “Хемон констракшн” 4 блок барихаар тусгагдсан. Бидний хувьд ажилчдаа тухайн баригдсан орон сууцанд хамруулах үүрэг хүлээж байна.

И.Чинтогтох

Фото: Ш.Лхамсүрэн

Хамаг ардын халуун нулимсан дундуур туучин, халуун амиараа эх орноо хамгаалсан Халхын голын байлдааны яруу алдарт ялалтын 80 жилийн ой эдгээр өдрүүдэд улс даяар тохиож байна. Эр зориг, баатарлаг үйлсийн илэрхийлэл болсон энэ дайнд хамтран оролцсон Монгол, Оросын тал ихээхэн хохирол амссан ч аминаас үнэтэй газар шороогоо харийн түрэмгийллээс өмгөөлөн хамгаалж, хойч үедээ үлдээсэн түүхэн гавьяаг нь дурсан санаж, энэхүү ойг өргөн дэлгэр тэмдэглэж байгаа билээ. 

Түүхт ялалтын 80 жилийн ойг тэмдэглэн өнгөрүүлэх Монгол Улсын Засгийн газрын тогтоолын дагуу баатруудын хөшөөнд цэцэг өргөх ёслолын ажиллагааг өнөөдөр Эрдэнэт хотноо зохион байгууллаа. Ёслолын ажиллагаанд ОХУ-аас Дархан хотод суугаа дэд консул Кузнецов Дмитрий Николаевич, Орхон аймгийн ИТХ-ын дарга П.Пүрэвлхагва,  Засаг даргын орлогч C.Батжаргал, А.Түвшинжаргал, “Эрдэнэт үйлдвэр” ТӨҮГ-ын Гадаад харилцааны бодлогын газрын дарга Г.Тэнгэр, Орхон аймаг дахь Монгол-Оросын найрамдлын нийгэмлэгийн тэргүүн Б.Мажинбуу тэргүүтэй төр захиргааны байгууллагын төлөөллүүд оролцсон юм. Монгол Улсын төрийн дуулал эгшиглэсэн энэ өдрийн үйл ажиллагааны үеэр Ялалтын хөшөө, Орос, Монгол дөрвөн жанжны болон Маршал Ю.Цэдэнбалын хөшөө, Найрамдлын өндөрлөг дээр цэцэг өргөж, хүндэтгэл үзүүллээ.

Ирэх 10, 11 дүгээр сард тохиох Монгол, Оросын найрамдлын өдрүүдээр орон нутгийн иргэдэд зориулсан гэрэл зургийн үзэсгэлэнгээ дахин дэлгэхээ зохион байгуулагчид хэлж байна. Ёслолын ажиллагаанд уригдан ирсэн Хөдөлмөрийн гавьяаны улаан тугийн одонт, ахмад дайчин Гончигсүрэнгийн Дугаржав гуай “Би 92 настай. Халхын голын дайнд оролцож явлаа. Дайнаас хойш улс нийгмийнхээ ажилд зүтгэж, өдий төдий жил болжээ. Сайхан нас насалж, үр ач олонтой боллоо. Өнөөдөр жаргалын өдөр болж байна. Бидний ингээд алхаж яваа маань жаргал юм шүү, хүүхдүүд ээ. Сэтгэлийн жаргалыг бүгдээрээ эдэлж явцгаая. Үр хүүхдүүд нь мянга түмээрээ өсөж, эх нутагтаа энх саруул байхыг хүсье. Баяр хүргэе, баярлалаа” хэмээн сэтгэгдлээ хуваалцлаа.

Эрдэнэт үйлдвэрээс төрөн гарсан Хөдөлмөрийн баатрууд, тэргүүний ажилтан, ажиллагсдын төлөөлөл Халхын голын ялалтын баярт оролцохоор маргааш замд гарахаар товложээ. Мөн ойн арга хэмжээнд Эрдэнэт үйлдвэр ихээхэн ач холбогдол өгч, Орхон аймгийн Засаг даргын тамгын газрын Цэргийн штабаас зохион байгуулсан 45 хүний бүрэлдэхүүнтэй ахмадын Халх голын аяллыг ивээн тэтгээд байгаа юм.

Халхын голын дайн нь Дорнод аймгийн Халх гол сумын нутагт 1939 оны тавдугаар сарын 11-нээс есдүгээр сарын 16-ны хооронд буюу дөрвөн сарын хугацаанд үргэлжилсэн байдаг. Дайны үеэр байлдааны бүх төрлийг хамарсан 101 томоохон тулаан болж, БНМАУ, ЗХУ-ын 57 мянга, Япон улсын 75 мянган цэрэг оролцжээ. Мөн Халхын голын дайнд манай талаас 515, Японы талаас 700 нисэх онгоц оролцсоныг дэлхийн түүхэнд хамгийн том агаарын тулаан гэж тэмдэглэжээ. Эл дайнд Дорнод аймгийн Халх гол сум хамгийн  хүнд ачааг үүрсэн тул Халх голын байлдааны ялалтын 75 жилийн ойг тохиолдуулан Монгол Улсын Ерөнхийлөгчийн зарлигаар Халх гол сумыг Цэргийн гавьяаны улаан тугийн одонгоор шагнасан түүхтэй.    


          

И.Чинтогтох

Фото: Ш.Лхамсүрэн

Баяжуулах үйлдвэрийн Нунтаглан баяжуулах хэсгийн тавдугаар ээлжийн засварын талбайд молибден баяжуулалтын шинэ шугам барих ажил өнөөдрийн байдлаар 30 хувийн гүйцэтгэлтэй байна. Тодруулбал, одоо шинэ шугамын металл, барилга угсралтын ажил хийгдэж байгаа юм.  Уг угсралтын ажлыг ирэх сарын 20 гэхэд дуусгахаар төлөвлөжээ. Ингэснээр флот машины угсралт, тохируулгын ажил эхлэх боломжтой болох аж. Молибден баяжуулалтын шинэ шугам барих ажлыг “Эрдэнэт лайт” ХХК гүйцэтгэж байна.

Энэхүү бүтээн байгуулалт хийгдсэнээр молибдены металл авалтын хэмжээ нэмэгдэж, ашиглалтын зардал буурах, ажлын байрны нөхцөл сайжирч хөдөлмөрийн аюулгүй байдал эрүүл ахуйн таатай орчин бий болгох зэрэг олон талын ач холбогдол, эдийн засгийн өндөр үр өгөөжтэй юм.

 “Зэс-молибдены баяжмалыг салгах молибдены дамжлагын шинэчлэл” төсөл буюу молибден баяжуулалтын шинэ шугам барих ажлын явцад АНУ-аас оруулж  ирсэн “Мill Maх” насос,  “WEMCO” инерт газыг Баяжуулах үйлдвэрийн зэс, молибден нунтаглан баяжуулах хэсэгт суурилуулна. Шинэ шугам барих ажлыг энэ оны 11 дүгээр сарын 5-нд бүрэн ашиглалтад оруулахаар төлөвлөсөн. Энэ дагуу бүтээн байгуулалтын ажил хийгдэж, дуусна гэж  Нунтаглан баяжуулах хэсгийн Ахлах технологич Ч.Энхбаатар онцоллоо.

М.Балжинням

Мэдээний төрөл

Календарь

« 8-р сар 2019 »
Да Мя Лх Пү Ба Бя Ня
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Зургийн цомог